媽媽從未搭過飛機遠行
當然，呢次去台北係第一次啦！
揀台北，本來係因為爸爸係一個鍾意（係好鍾意）睇書嘅人
誠品、金石堂、墊腳石呢啲地方，真係好想同爸爸一齊去（點知佢最後唔去⋯⋯）
而媽媽呢，又可以行夜市、又可以食嘢
最重要係兩位老人家又唔識英文，又唔識國語，有得睇下中文字都好呀
由香港出發去台灣，只係需要一個鐘到就到
都唔知係我食得太慢定架機開得太快，當空姐放好餐，都未食到一半，
阿機師已經開咪同大家講：我哋準備降落啦～
成日搭飛機嘅朋友，食飛機餐對你嚟講一啲都唔特別
但係對於第一次搭飛機嘅人嚟講，多多少少都會有啲期待嘅
係落機之後，我哋就開始討論起啱啱嘅飛機餐
媽媽對飛機餐無咩表示，反而係之後空姐俾咗杯咖啡佢令佢印像難忘⋯⋯
嗯，或者我應該拎杯茶俾佢就算⋯⋯
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
