廿幾歲女，儲了幾年錢，
今年終於有機會請屋企人去旅行了
今次旅行有媽媽有妹妹，爸爸竟然係出發前話驚有空難所以突然決定唔去
3個人5日台灣之旅
雖然講唔上有咩特別
但係五日之後，我深深明白到一件事：
一個人去旅行去流浪唔係一件厲害嘅事
最厲害嘅人其實係帶住上咗年紀嘅父母去旅行嘅人
你要放棄你平時嘅獨來獨往，你要放棄你平時嘅瀟灑⋯⋯
佢會隨時覺得攰覺得熱要坐底休息
佢會行完夜市掃完街之後同你講好肚餓 （但係行嘅時候又唔會同你講有咩想食）
佢會係你買咗好多嘢俾佢食嘅時候同我講： 我好飽，唔食
（＠＠我買嘅時候點解唔阻止我呀？？）
當你同佢係餐廳食，問佢啱唔啱食嘅時候同你講： 是旦
仲會全天候廿四小時問你帶齊所有嘢未⋯⋯
無錯，呢個就係我媽媽
我知，就算我幾大個，去過幾多次旅行，佢都以為我好似未出過國咁
（其實佢先係第一次出國）
但係我確實希望係佢健康時好好同佢去一次旅行，呢個願望，我總算做到了，哈
想知我哋呢五日發生過啲咩事，想知帶住媽媽去旅行會發生咩攪笑事
請留意"我和媽媽去旅行－台北"
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
