話晒嚟台灣嘅第一個目的係吹玻璃
為免失望而回，我哋早係一個月前已經係香港先預約咗時間
而且玻璃需要1日時間降溫，所以我哋嘅第一站就係嚟
今次吹璃玻嘅地方係位於松菸誠品入面嘅坤水晶
https://www.facebook.com/Kun.com.tw
係埋位吹玻璃之前，先要著可圍裙，手套同手袖，睇起嚟係未好專業呢！
著好衫，就可始啦
今次做嘅杯係雙色線條加冰裂效果，係整杯嘅同時可以加入兩隻顏色嘅玻璃沙
揀咩顏色好呢⋯⋯
三心兩意之下，我揀咗白色同Tiffany blue
揀完顏色，就可以係玻璃爐入面拎玻璃出嚟
玻璃爐有成攝氏1080度，千祈唔好打算用手拎啲玻璃出嚟呀
再用一支長長嘅鐵通抽一啲出嚟，
吹玻璃活動正式開始！
將玻璃小球放係玻璃沙上面輕拍
等玻璃沙可以黏住玻璃球
玻璃仲係好高溫嘅狀態
小心唔係燙傷呀！
為咗令到佢做到旋轉效果
係玻璃仲係好柔輕嘅狀態我哋就扭一扭佢
再一次加熱後，就可以正式"吹"
第一下，真係好難，深呼吸，用盡所有氣，吹⋯⋯
見到嗎？中間出現咗個小氣泡啦！
重複幾次，吹到適合大小，就可以用唔同工具做其他嘢
嘩⋯⋯感覺好似做手術咁呀
下一部，要係杯底做冰裂效果
將玻璃快速浸入水再拉上嚟，"吱"一聲就可以做到裂紋係杯面上
（記住，真係要快！）
做好所有效果，可以幫個杯開口啦
小心啲呀，杯口開壞咗就很難救了⋯⋯
鐵管好近玻璃位置真的很燙，
一個唔小心掂埋去就會燙傷
點解我知？因為我真係掂咗落去⋯⋯
要將玻璃杯拎落嚟，大力一拍鐵管就可以了
但要記住有人係傍邊接住呀
因為玻璃係室溫急速降溫好容易自己爆開
所以要放入櫃慢慢降溫1日
噢，接住落嚟便咩好呢？
可以行下誠品啦，可以行下文化園啦
仲有可以去食嘢！
（落機趕過嚟都未食嘢，好肚餓呀！）
－－－－－－－－－－－－－－－－－－－－－－－－－－－－－－－－－－－－－－－－－－－
我哋等等等，2日後係台東番嚟再去拎番
登登，呢隻就係我隻台灣杯啦～
呢個就係冰裂效果
我相信我每次拎起呢隻杯都會諗起今次嘅4日3夜 （深呼吸）
飲杯～
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
