天氣又凍,依兩日仲要狂落雨
接左個聖誕薑餅order,幾凍都要開工
最煩係落雨潮濕,好怕啲糖霜唔乾呀
前一晚返到屋企整左個餅餅先
舊牛油由下午放到夜晚都仲係硬
拎去叮左二十秒,軟咗小小即打
打左幾吓又硬返呀....救命...
依個譜無雞蛋,牛油加麵粉搓個時真係好硬..好難搓..
加上牛油好快又硬晒,好難混合到
幾經辛苦,碌平後,放入雪櫃
食飽飯再印模,入焗爐
焗緊時悠悠係咁嗌好香呀,我又要食呀...
好彩有整多幾個預咗佢啫..
餅餅出爐放涼後入盒..
打定糖霜,第二晚再返尼畫畫
第二晚,仲係落雨天
係屋企開住暖爐
畫好一盤就放係暖爐邊等佢快啲乾
攪咗成三個鐘,完成喇....
見到有無開心既感覺呢??
仲有獨立包裝,送禮自用都咁岩架...kakaka
