聽說雞翼有超過100種做法..haha..
而我上網 search過, 係有超過100種做法…
唔知點解我覺得…好似好勁咁…
係出面食過<<腐乳蒸雞>>….
我覺得味道..係好既.. 不過我就唔係咁鍾意有d油油地既感覺..
於是..試下改下...不如烤丫~…就咁樣試到【腐乳烤雞翼】出黎…
(其實可能一早已經有人咁早做..係自己懶醒..haha.. 我都唔知…)
好多人問 "腐乳??雞翼??得架咩??" umm.. 其實我唔知出面得無得食.. 我諗有掛..(我都諗到, 應該都有大把人諗到咁整丫)..
K爸爸好鍾意呢個【腐乳烤雞翼】架..
宜家我好少整lu~因為K小姐唔想食咁多微波爐野~
所以我宜家屋企係無微波爐呢樣東西架…
要整【腐乳烤雞翼】就要返K爸爸度先得喇~HAHA!!
醃料:
辣腐乳, 豉油, 米酒, 糖, 孜然粉
做法:
1. 將腐乳搗成泥狀(留起一半)…其餘一半同其他醃料攪勻, 備用
2. 將雞翼洗乾淨~~係面頭劃2刀 (易d熟又易d入味)
(如果想整出黎靚仔d, 就唔好係一粒粒雞皮果面劃, 係滑身果面劃)
3. 雞翼醃1至2個鐘..
4. 熱鑊, 將雞翼煎至兩面金黃靚仔~~ (唔駛整熟晒架..7成左右啦..)
5. 雞翼拎起~平鋪係碟~將一開始留起左既腐乳泥均勻搽係雞翼上
6. 用微波爐既烤焗功能~叮2分鐘~睇睇咩情況, 再叮2分鐘~完成!!
**唔建議一叮就叮4分鐘.. 你地自己就返啦~總之最後成品係面頭既腐乳泥已經乾身~同埋帶小小香脆既~~~ enjoy!!!
