話說上個月日本回港前, 我依然在成田機場繼續博殺...就在上機前的DutyFree, 超大型固力果布甸閃入我眼, 心想:「嘩!買三個一人一個啦」
阿太:「咁大個點食得晒呀? 點解布甸唔駛放係雪櫃呢?」又望又搖之後, 阿太大叫:「要自己整架!傻佬, 放低啦, 你鬼識咩」(咁得意無理由唔買啫! 請槍...搵嫲嫲整囉)
全日文的說明書, 阿囝又要爭住睇, 我問:「你識日文咩? (唔駛識架, 抄字之麻)...你講咩?中文嚟架?」(我識架啦...你同嫲嫲一齊入廚房啦
小朋友真的很興奮, 每個步驟又要再三確定, 又要重復我說的步驟, 轉告站在我旁邊的嫲嫲知, 看來他真的很開心...(好似真係前世未入個廚房咁)
