龍蝦下午茶

住黃埔地區, 老早已經幫襯過老店「十二味烤魚九宮格」, 做得出色. 今天專誠去尖沙咀新店一嘗其招牌菜:「麻辣香鍋」. 好奇上網找一找此店的資料, 讀到2014年一編訪問, 講及十二味的老闆, 是理工大學畢業的內地生, 哦....原來是畢業校友, 感覺更有些親切感.... 哈哈...訪問中, 老闆說到最初開業被裝修師傅搵笨和廚房大佬威脅加薪, 歸咎於文化差異和仇內, 我看了, "kit"一聲笑了出來.... 我行走江湖咁多年, 不知比裝修師傅搵咗幾多次笨啦.... 哈哈... 老闆回想 ...例如: "換個電燈泡一百元、開鎖一千元、買新桌子但送來是高低腳等等...." 使我想起了一位港女同事, 自少溫室長大, 煮公仔麵都唔識, 連屋企燈膽燒了 都要叫樓下水電師傅上來換, 人家上門換燈膽的公價真是一百元麻......嘻 ...！

至於廚師頻頻要求加人工, 相信這不是新聞了, 這幾年的就業搶人情況, 做老闆的都叫苦連天..... 洗碗都難請, 何況廚房大佬吖.....不過, 話說回頭, 香港是自由市場, 一賣一買都是你情我願, 阿老闆 ...都是商學院畢業, 理應知道人力資源市場短缺, 自然要提高薪酬才可以留到人,  我都係經營生意, 絕對明白此道理. 無論如何, 睇得出此店老闆是位有心人, 吃得出是用心做好食物質素, 加油!!!

牆上貼了一張地圖, 寫著不同地方的代表菜式, 留意一下廣東省...  是"燒臘"喎... sosad...! 無言...

因為太肚餓, 未來得及詳細研究餐牌, 先來一碟口水雞. 上檯時, 已經聞到那麻香的醬汁味道, 醬汁、花生碎和蔥花鋪面, 一些紅紅的辣油, 賣相一流. 急不及待了....

雖然非常肚餓, 急不及待想立即食咗佢, 但"相機先食"仍是首要任務. 這件雞脾的橫切面厚肉, 放在啞黑色的碟上, 如藝術裝飾一樣..... 唔..唔...令我想起了高級蛋糕店的忌廉蛋卷....呀...啫..啫..啫... 雞肉現出微微的米白顏色, 鮮嫩度不言而喻, 雞皮雖然略厚一點,  但配以香麻小辣的醬汁, 仍不失軟滑爽口.

店員介紹, 不可錯過鎮店之寶的十三香小龍蝦($9.9/隻, 最少十隻). 這款淡水的龍蝦, 類似西餐店的 Blue claw yabby. "十三香"的名堂, 就是十三種香料調製而成, 根據介紹說明, 先把香料把小龍蝦慢火煮兩小時, 味道滲入蝦肉當中. 上檯時先試一口湯汁味道, 只有十分輕微的花椒味, 辣味相對溫和, 反而嘗到一種清香感.

吃小龍蝦也有小技巧, 可以嘗盡整件龍蝦頭和尾的鮮味, 首先兩手執著蝦頭和蝦身, 用微微的力兩邊搖晃, 跟隨用陰力把蝦身由蝦頭拉出, 便可使蝦頭的肉和蝦膏也一併拉了出來.

拆蝦殼身體的方式與拆白灼蝦殼有些少不同, 先把母指和食指用力壓蝦身的兩邊, 一壓之下, 蝦身"卜"的一聲, 蝦肉便與蝦殼分離, 之後一拉, 蝦肉便很容易出來. 拉出來的蝦肉, 記緊要放回湯汁浸一浸才入口哦...

終於輪到此店的招牌菜: 麻辣香鍋. 自選款式的基本收費是$38/鍋, 然後再根據所選的配料不同而另加費用. 我們先揀香鍋的辣度: 香辣(小辣), 然後才揀相關的配料: 鮮蝦($48), 鹵豬手($48), 茶樹菇($38), 萵筍($28), 五香豆乾($18), 薯粉($18).

以大碗盛載上檯, 單看照片, 你會低估了份量, 大碗足足有一呎口的直徑, 附上一隻大型"木匙更", 方便自己再炒勻配料. 炒時釋放更多的香辣味道, 看到那些花椒、辣椒蒜頭的份量, 以為出錯了辣度, 但 一入口...唔 ... 唔...真正係小辣大香，好味.

配料中的鮮蝦, 屬常見的中蝦, 已經切走了蝦頭, 炒得十分香口, 店員告知可連蝦殼食落肚, 果然一咬, 又薄又脆, 蝦肉彈牙, 香辣味道均勻.

鹵豬手, 閔得十分入味, 沒有大蝦的香辣, 補上了另一種鹵水甘香, 輕輕一咬, 豬皮脫落, 軟軟滑滑, 完全不覺肥膩, 肉與骨中間的膠質筋部份, 煮得軟淋中有彈牙口感.

厚切豆乾, 味道香辣、口感煙韌、豆味香濃.

一條條咖啡色的茶樹菇, 散發出一種特別的菌香, 不單美味, 而且營養豐富, 早年在紅磡翻工的時候, 最喜歡到崇潔街的茶餐廳吃"野菌炒蛋"早餐, 那兒的"野菌"就是用茶樹菇. 茶樹菇的韌度、萵筍的爽脆、薯粉的滑溜配合得天衣無縫.

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================