今日Hysan同芊芊上完星期六學校攪嘅學習班之後
為咗獎勵哥哥好乖上堂同埋芊芊冇瀨尿
所以同佢哋行去福華街玩具街度預先買燈籠送俾佢哋
之後再去太子嘅美味餃子店食嘢
以我成日嚟嘅經驗嚟講,唔駛十秒鐘我就已經落哂單
大湯椰/ 大湯菲/ 大煎菲/ 3杯凍豆漿再加碗魚蛋冬菇車仔米線
真係唔講唔知原來香港有咁好食既水餃店
車仔麵其實可以不理,因為有呀芊喺度,好難就咁叫佢食餃就夠
先嚟杯豆漿,兩個細路已經爭住要飲!真煩人
飲咗豆漿就準備好等食喇!
嚟得呢度主要係食呢三款餃子,佢呢度最出名係用野葛菜湯做湯底,超好飲!
哥哥好攪笑咁問我一個問題「點解唔影豆漿?」
跟住我答佢話「都冇咩特別所以咪唔影囉」
然後碗仔米線就嚟到啦
跟住哥哥見到我拎起相機同佢影咗張相就問我
「碗麵好特別咩?」我都即刻唔知點答佢
不過話時話d魚蛋好入味喎
之後至愛的煎餃嚟啦
一嚟到大家都好快咁夾走咗幾件
得番碟上面6件我先至記得要幫佢影相
本人建議煎餃叫白菜會好食D,因為爽D冇咁油
真係全部即叫即整即食!!!!!YUMMY
之後跟住上係雲耳椰菜餃(大)
當我一咬落去,D餡喺我口裡面周圍走
絕對唔係大家平時食開個種個餡得一舊肉嗰隻
之後嚟埋碗菲菜餃(大)
呢個媽咪俾湯人飲都唔記得呼呼先
辣到人哋個咀仔啦
之後補番一嗒算你啦
俾大家睇吓裡面個餡樣,真係冇花冇假!
本身舖內有罌菜甫,係自家炒製,入口都幾辣
好多人會配埋餃子一齊食,不過本人都係比較原始
所以不論湯餃或煎餃我都係乜都唔點就咁食
免得俾其他醬料蓋過!
冇講笑真係最後連湯都飲埋, 超正!
呀劍評分: 9分
美味餃子店
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)