同阿女睇童書, 你以為 entertain 緊佢,
但其實對我自己o既啟發都唔少
有好多都值得我反思,
所以你問我點解要"買"書呢?
因為唔同年紀o既人睇會有唔同感覺, 買書的話會就手D
好多台灣童書都有 suggest 啱幾歲睇
"3-6 歲親子共讀, 7歲以上自行閱讀"
而 7歲以上自行閱讀o既能力我覺得受到親子共讀期o既input 所影響
我揀左幾本我自己睇完覺得唔錯o既中文繪本推介比大家,
有d 之前o係blog 都已經講過, 希望大家唔嫌煩
(以下推介圖書館多數都借到)
1. 進城 - 呢個故事我似曾相識, 情節, 道理亦都唔陌生, 但我仍然覺得好睇
但坦白講, 啱我多過啱小齊
冇返咁上下人生經驗, 要悟出呢個道理都唔易喎
咩道理? 咪就係難以討好全世界囉
2. 媽媽做給你 - 好衰, 呢d 講親情o既書我自己會覺得好感動, 然後好眼淺地想喊
主角o既爸爸早逝, 媽媽身兼多職, 物質唔豐足,
但對於兒子需要媽媽都盡力滿足, 兒子見到人地有o既o野想"人有我有",
媽媽都係一句: "來~ 媽媽做給你"
結尾果部份睇到我好感動呢! 呢本我覺得係我睇過o既長谷川義史作品中最好!
3. 世界上最棒的哥哥 - 都係講親情, 但手足之情
我覺得幾適合比有多過一個小朋友o既家庭,
不過話時話, 書中情節唔會o係香港發生囉~
4. 安的種子 - 小齊開頭見到呢本書唔係幾喜歡咖, 唔喜歡個封面喎
(小朋友都係鍾意d colorful d)
但呢本書寓意真係好, 亦都係好啱媽媽們睇
套用o係我教小齊身上都好啱, 有o的o野欲速則不達,
等待亦係一種修為, "等待"可以好好利用, 一旦時間到啦, 自然水到渠成
有o既o野, 急不來~
5. 紙戲人 - 開始我係比插圖吸引, 後來發現故事都唔錯
有濃厚o既人情味, 仲有點點懷舊,
有時舊o既o野, 落後o既o野唔係代表唔好,
佢係代表一整代人o既文化同回憶呢
6. 環遊世界做蘋果派 - 中文版我搵唔到靚o既圖, 用英文o既頂住先
小齊都幾喜歡呢本書, 因為幾得意,
對於世界之大冇乜概念o既佢,
呢本當係環遊世界睇風土人情o既入門版吧
7. PETER REYNOLDS - 今次推介作者, 呢個作者著作翻譯成中文o既繪本我都覺得唔錯,
之前睇佢寫o既"有一天"唔駛講又係我自己感動到 fi 哩 fair 呢~
不過我覺得呢本書應係阿媽都頂唔順, o係書局揭完已經唔駛講, 買!
未睇過o既快d 睇 ~ ~
原來作者其他作品都ok咖,
說道理但不硬sell, 有d 鼓勵小朋友信心o既效果~
8. 四隻腳, 兩隻鞋 - 之前都介紹過, 睇完之後自己都唔好意思浪費
世界上有好多受戰亂影響, 比我地不幸o既人,
之前小孩被沖上沙灘張相我唔敢比小齊睇, 現實太殘酷了,
連大人都揪心, 小朋友慢慢理解吧
3-6 歲親子共讀期我自己覺得係好重要o既 "品味培養期"
睇咩書, 大人點演譯同解釋道理對小朋友影響應該都唔細,
到佢識字量足夠可以自行閱讀時會依循返近似類型o既書擴大閱讀版圖,
閱讀習慣會影響個人品味, 談吐係真咖,
正所謂 "腹有詩書氣自華", "出口成文"~ 印象就係咁o黎
記得有作家 (是汪培珽嗎?!) 講過, 世上所有o既道理都可以o係繪本中搵到,
想培養小朋友o既好品德要好好利用!