呢一日天朗氣晴, 幾好行架,
今次去科隆男友知我喜歡貓,
帶我去左當地一間貓貓Cafe, 哈哈!!
食物選擇不多, 都係食下cake或輕食咁。
因為時間仲早, 客人唔多, 裝修都好有屋企feel
有貓咪玩具俾客人拎黎玩 (如果貓咪理你的話......)
呢間野好有心思為大家介紹店內的貓,
人地唔會為左做生意養好多貓,
更唔會有貓bb係到。
貓咪係好易有壓力同怕生的動物,
所以一唔耐煩就可以返自己房抖抖~~
家人及朋友之前都去過日本同台灣的貓cafe,
外國人做生意唔會好似香港個d咁迫d貓咪同俾貓BB人玩俾人亂抱。
係香港我多年前去過cwb一間,
叫"阿貓地攤",
應該係香港第一間貓cafe??
感覺幾好, 因為睇得出d店員對貓咪有心仲識照顧d貓。
食完野, 去左四圍行,
當然會經過科隆大教堂啦,
都有入去抖涼, 因為真係好熱囉。
之後去左行公園,
個日有喜年華,
所以好多地方都封左,
唯有係草地食下熱狗嘆下啤酒,
再曬曬太陽。
霸個靚位等睇野~~
![]()
仲唔肯返屋企,
點解??
因為當晚有煙花表演, 等左一兩個鐘之後,
終於睇到煙花,
都幾好睇, 不過都係燒錢活動,
所以我興趣不太大,
只係難得係外國睇到就睇啦, 哈哈!!
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
