生日飯,同YAN、YIN AND B仔4人食飯,thx你地呀>3<~!揀左去Greyhound食,泰國菜來的,yan推介話唔錯,之前都有見到blog友介紹過,好似幾正,有興趣去試呀。BOOK左枱6:30,8:00交枱,有限時之下少少唔方便。
從裝潢設計想起來,都唔似一般見到的泰國餐廳,黑白色為主,較為高格調,又係西餐廳的感覺,都幾新鮮感。
菜色方便都幾創新,同平時食開既泰國菜唔同,唔算好辣,亦有大膽既菜色,幾特別。
意大利肉腸芝士餡餅,淡淡的芝士味,配辣肉腸,少少辣,味道雖唔濃烈,但食落唔漏唔滯,都唔錯,個沙嗲醬都好味,唔太辣,點麵包正呀。
泰式鹹魚乾辣椒意大利麵,好大膽既創作,鹹魚乾同意大利麵一齊,喱個一定要試,鹹魚乾好脆口,少少鹹香,冇平時食到既鹹魚味咁濃烈,配上既意大利麵,味道都係少少鹹既,配合到,唔錯既一道菜色呀。
招牌脆炸單骨雞翼,鎮店出名菜之一,果然名不虛傳,單骨雞翼,睇落同事實都好細隻,冇乜肉,但好入味好香口,少少脆,幾好食。
泰式沙嗲雞柳串,食泰國菜,都離不開串燒了,三串雞柳三串辣椒,4人開心share,雞柳幾好味,冇食到辣椒,感覺上好o徒,但怕太辣呀。
煙肉蛋炒飯,聽落都好普通既一個飯,不過個炒飯幾好味,蛋有兩個款,一款係平時食既煎蛋,另一款賣相有點特別,食落原來係鹹蛋呀。
鮮蝦金邊粉,又係必食,酸甜既金邊粉好醒胃,撈埋蒜片、花生粒同辣椒粉,味道上更係層次,少鹹少辣又香口,鮮蝦幾爽口好味呀,溫馨小提示:如果唔食得辣唔好撈晒辣椒粉。
菜色幾新穎,環境幾舒服,價錢都合理,不過有限時有少少唔FREE,都冇計,因為都幾多人幫襯呀。
飯後去buy cake食,好正,又試新野了,係leonidas chocolates cafe件咖啡蛋糕好吸引,好似咖啡杯,揀左喱個,coffee mousse,中間有少少咖啡,食落香咖啡味,入面中間有朱古力蛋糕,低層係曲奇,由軟到硬,唔錯既層次感呀。
就來情人節,海港城又有情人節佈置,千篇一律都係朱古力,喱次都係,不過有D唔同,佈置上靚左好多,彩色都多左,最特別係個barbie公仔,幾好靚。
最可愛都係熊仔呀。
例牌朱古力傢私,粉紅色係特別靚。
係個場有好多朱古力buy,好想試,不過都係下次先呀。
thx yan、yin and b仔請我食飯同慶祝呀~>3<~好開心~!
感謝 味之素 提供以上資料
個人日誌: http://moritatintin.blogspot.hk/
Greyhound Cafe (尖沙咀店)
Yukkuri
Nomad
Italian Tomato Café (馬鞍山店)
Express Bar by Lassana (觀點中心)
Espresso Alchemy (美麗華商場)
CoHee Studio
Espresso Alchemy (海港城)