成日去葵涌廣場行街,多數都係食小雨天同三樓既小食檔,反而好少幫襯樓下既食肆,其實樓下好多食店架,今次一於試下唯一麵家,喱間都開左幾間分店,聽講北京餡餅出名。星期六既7點幾,唔算好多人,其實喱個場既食店都好少可要等位呀。
豆沙餅,又係好大個,皮太厚了,食4分1都好滯呀。
北京饀餅,好大個,皮好厚,韮菜豬肉餡好多,好香口,不過味道偏鹹...食完好口喝呀。
煎蛋餅,好以為好食,不過冇咩料到,少少蛋香,甜甜地,口感滑,不過太油了。
豆沙窩餅,件數好多,煎得太濃了,好多豆沙餡,味道ok,唔太甜。
上海小籠包,賣相已知一般,皮厚,湯汁多,味道普通呀。
嫩雞煨麵,湯底杰,味道濃郁,唔錯呀。
上海雲吞,菜肉饀好多,幾好食,不過皮太厚了。
豆漿,都唔錯。
整體味道普通,大部份食物都係皮厚,太滯呀。
葵芳葵富路7號葵涌廣場A77號舖地下
感謝 味之素 提供以上資料
個人日誌: http://moritatintin.blogspot.hk/
