自從港鐵新增了西營盤至堅尼地城站後, 我也去多了那區覓食. 早前與幾位朋友去了位於西環Cafe 2 食晚飯.

這裡的環境和氣氛有點似去了酒吧.

先叫杯飲品.

我點了凍水果茶.

上枱時見到樽裡色彩繽紛的生果, 真係好吸引. 味道充滿各款生果的味道,

幾清甜, 若生果味再濃一點就更好.

湯我點了周打蠔湯.

湯蠔味相當濃郁, 又夠滑和香, 非常好飲.

先奉上烤雞芝麻沙律.

蔬菜夠爽脆, 又新鮮. 而當中混有烤雞, 雞肉不會太乾身, 加上醬汁, 幾醒胃, 這個好適合做前菜.

接着, 主菜出場. 首先是細海鮮拼盤.

上枱已被這盤海鮮吸引, 因為有多款海鮮, 包括生蠔, 蟹, 蝦, 青口, 翡翠螺, 扇貝, 相當豐富.

多款海鮮夠新鮮, 所以感覺特別鮮甜, 不用點汁也夠味.

當中我自己最鍾意食翡翠螺, 扇貝. 不但夠大隻, 而且又彈牙.



炭燒牛小排.

由於我唔食生嘢, 牛排本來同我無緣, 但佢地可以幫我整全熟, 我當然要一試.

好多人一聽到牛排全熟, 一定是好乾好硬, 但完全想不到這塊牛小排是幾腍, 好易入口, 牛味又夠濃, 口感不俗, 我自己就覺得好驚喜.

香辣蒜片辣腸扁麵.

辣腸是大點辣, 但幾惹味, 配上扁麵, 感覺都幾夾.

唯一是扁麵的質地唔太啱我, 我自己鍾意食軟身的麵, 所以這裡的麵對於我來講是硬了一點.

最後就是甜品.

菠蘿薄餅, 完全沒有諗過這是甜品.

薄餅上放滿了菠蘿, 而且加入了練奶. 所以更能帶出菠蘿的甜味. 薄餅又薄又脆.

整體來講, 這一餐試了一些幾特別的菜式, 而且環境幾舒服, 幾適合幾個人傾計. 多謝友人的介紹和請客, 才有機會到來一試.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================