2007年11月4日,晴有微風,早上8:15背起行裝出門去,習慣地每次奔走大自然前,必先嘆返個靚靚早餐,今天的行程只有我同另一位行友探路,原本約定9:00於觀塘出發,可惜有人遲到.....(唔係我),但因有法定遲到時間關係,所以順廷15分鐘,今天的頭盤是先到鯉魚門, 這個地方差不多已有十七八年冇黎過,讀書時代,常常都會在這裡釣魚,所以突別有情意結,不知不覺走走看看都停留左成個幾鐘。
(1) 鯉魚門
(2)
(3)冇乜地方仲有得玩
經過一輪想當年之後,終於到今日既主菜啦…….綑遊鯉魚門大鈄壁到調景嶺,原本靜英英的行程,卻在起步點前偶遇另外一班行友,細看之下..........原來是鐡人張,他們一行十一人, 好呀…… 今天的相有着落啦,點解 ……..因為有model 。
一起步,先黎一幅大鈄壁做見面禮,嘩嘩嘩好玩呀,諗都唔諗即刻以身試險滑住走,不消兩三分鐘就走過了,回頭看看,竟然玩漏左一個探射燈台….....失策,唔緊要,下次先再玩過,不過細看之下,我老友仲坐係度講電話。
(6) 大鈄壁
過完大鈄壁之後,輕輕鬆鬆的綑到一海蝕洞,好~~~~鈄wor,哈哈……下一句緊係好玩la,爬兩爬滑三滑就滑過左,今日d浪唔係大,不過依邊d風就幾清勁........爽呀!
(13)
(14)
(16) 鬼面岩
(17)
(18)
原途影吓相吹下水,吹吹下就吹到一石巷,依條巷我都過到架,與此同時,緊係小休下同食個包啦,因為今日既主菜都食左差不多一半架啦。
正所謂 (食飽左, 冇得坐), 當然又起步啦. 走呀走呀走呀走, 途中有一d幾有趣既石橋同幾險既直壁, 令到行程加了不少既甜品.
終於走到一石盞道,這條盞道並不長,太約只有兩米左右,所以都過得幾輕鬆,這個時候以不知不覺地再走過了石灘同沙灘了,依個時候,另一個險位出現左(對較大體重的人而言),一個會濕腳的位置,但卻有一條已生釢的鐡通作踏腳位,輕工一輪後,我都係要點水而過,依個時候已到了最後的一小段了。
(25)
(26)
(27)
這裡有一條由常來這裡釣魚的人自行搭建的爬梯,都幾有趣同幾有心機起架,當爬上去之後再繞過一小段就到了調景嶺了,依個時候睇睇隻錶,兩點未夠,原本想加走照鏡環山再過魔鬼山炮台,只可惜要趕回家沖個涼同買d野,因為今晚要去社慶,所以只能留待下回吧 !
走到出黎地鐡站,眼見一間荼餐廳,諗住同個老友走入去嘆返個街坊下午茶,點知貴到阿媽都唔肯食 (連飲連食成$35),仲洗問阿貴.......荷包教落 (超貴下午茶,食完有排捱),即閃啦……閃去七仔,哈哈哈.......$14.9 攪掂。
(38) 北菇蒸雞飯 $12.9- 加 $2- 有凍0樂
(39)
全日總結………(又平又好玩, 連車連食唔洗50蚊)
~~~~~~~~~~ 完 ~~~~~~~~~~
累積瀏覽 454598
全部攻略 627
全部回應 529