毅行支援隊結局篇下

由野孩子於 2007-11-13 07:38:44 發表 | 累積瀏覽 431

分類：

(毅行支援隊結局篇上) 2007年11月10日早上 07:00，短休兩個半小時後，我地各人又要起身為第二輪支援做準備，不過唔洗講都知我地一定會鯨吞返個早餐先la，08:00 早餐食過，係時候幫佢地買補給law wor，今日佢地order 左粥 / 炒麵 / 腸粉 / 生果，正所謂比錢收貨跟住……走，走去邊? 未走去開車上第二支援站 (大帽山訪客中心)law。

(1) 我的早餐。

(2)

(3)

早上 09:30 三車準時到達第二支援站大帽山訪客中心，而第四支援車亦已到了黃金海岸，一如昨晚指定動作……..等，而等待其間亦不忘睇吓電視仔，真係貢都得，不過等待其間其中兩隊都分別傳來了壞消息，頭隊因又有隊員出現生理意外 (嘔吐)，因此到達第二支援站可能順延到14:00 (當時正在草山)，而尾隊較早時有生理意外之隊員因嘔過返尋味，亦再次發生生理意外，而且仲要係食乜嘔乜，點算好呀...... (消息傳出時正在針山)，而尾隊有關人士更透露早於零晨 05:00左右，有個別隊員需於路段中途小睡約個半小時，直至早上約 06:30才再踏上征途，消息一出，眾人都非常擔心出事隊員之身體狀況，而大家都相信尾隊已很難追過頭隊及中隊了，可惜可惜。

(4) 大帽山支援站。

早上10:35 令人振奮的場面出現了，因為中隊率先到步.......... 即係話做死人時間ge半個鐘又到了，哈哈哈 (今次多走了29.2公里，合共走了79.6公里，中隊所須時間約9個鐘)，而距離終點只餘下最後的20.4公里。

(5) 中隊隊員到達第二支援站。

(6)

古語有云….飽暖思跑慾，佢地立時換上跑鞋，向終點勇往直前，加油呀! 飛沙走石後，已不見他們的身影了，而其中一輛支援車亦即時收拾相關行裝開車往終點站，並聯同其餘支援小隊準備迎接中隊過終點。

(7)

(8)

(9)

相信唔講你地都知我地留守既支援大隊跟住會做乜架啦….. 冇錯，未又係等law，其其間有部分隊員已經上左車同周公傾計，亦有d就地灘左係到，至於我做緊乜，仲洗講.........未係到狂影law，影呀影呀。

(10)

(11)

不知不覺中午時間又到la，食乜好? 買個杯麵，吉串魚旦，開支可樂又一餐，依個時候好彩臨時再有朋友加入支援大隊，而且仲準備左冰凍既楊枝甘露，真係冇得頂，正~~~呀~~~

(12) 冰凍楊枝甘露~~~正呀

太約中午12:50，尾隊又有來電，晴天霹靂呀……佢地原來已經係 11:30 到左七號檢查站鉛鑛坳，不過......其中一位隊員(之前發生生理意外的那一位)須要長時間大休，預計到達第二支援站可能廷至黃昏時段18:30 至19:00. 點算好呀，下午13:40大家正好安排怎樣調配人手時，竟然傳來了一個都唔知係好定係唔好既消息出黎，尾隊藏羊隊其中一位成員因大休過後還未能可以出賽, 他們經過一輪安全健康問題及風險評審後，出事的那位隊員就自願作出了最英偉而又痛不欲生的決定~~~~~~剪手帶，(手帶一剪，代表有關隊員已放棄賽事，但由於一隊係有四位參賽者，只要其餘三人能夠完成賽事的話，隨剪左手帶的隊員，其餘各人都會有証書的)，而尾隊亦都即時開始由鉛鑛坳上攀大帽山啦! 差不多同一時間，好的消息竟然亦一個一個傳來了，下午14:35 先係頭隊已到了八號檢查站 (大帽山)，只欠一個就可以登記過關，由於他們太肚餓關係，支援隊為了達到5星級服務水準, 我們立即上走二佰米到檢查站速遞補給上去比佢地食同 (多走了29.2公里，頭隊所須時間約13個半鐘)，而依個時候中隊亦傳來了好消息….. 下午約14:35時間，他們都順利衝過終點啦….中隊尾段再加3小時，合共走了約26個鐘完成100公里)。

(13) 頭隊到達8號檢查站。

(14)

(15)

(16)

講返依度先，當頭隊又一輪變身後，準時下午15:24起步前往終點，不過…..不可思異既事發生左，正當頭隊剛剛轉出路口時，竟~~~竟~~~竟然~~~竟然遇上尾隊藏羊隊呀，唔係吓話，係未發緊夢，一定係我地等到痴左根，佢地竟然唔洗兩個鐘就~~~~到~~~~左左 (依段一般都要三至四個鐘先行得完既路段，藏羊隊只係喪走左1個鐘頭50分鐘就攬掂，而且之前已經行左超過70公里law wor，果然勁呀呀)，兩隊經過一輪擁抱及合照後，頭隊就繼續完成最後的路程，而尾隊亦作了短暫的休息，(多走了29.2公里，尾隊所須時間約12個半鐘)，其實依個時候尾隊已經追過左頭隊架la，因為佢地昨天係遲左3 個鐘頭起步架，如果尾隊唔係發生左小小意外，以剛剛的戰鬥力黎講，相信佢地己經過了終點好耐啦…..可惜可惜，只不過最重要都係人冇事，輸贏好小事姐。