蚺蛇米粉

2007年11月25日，晴有風，為了想小走那些石屎路，我們一行5人由黃石碼頭乘大飛到赤徑起步(位位$20.-)，早上10:00 從赤徑起步，不消廿分鐘已上到大浪坳，整理過行裝後，便迎戰我們今日的第一道主菜蚺蛇尖，雖然這個地方我已經到個好多好多次，但每次上去都給我有唔同的感覺。.

不過在摸頂的途中，有一南亞裔人士經過，我們都感覺有點怪，原因有3個  (1是為什麼只有一個人這麼早落蚺蛇， 2是他的裝束是牛仔褲皮鞋皮褸加超大旅行袋，3係警隊在11月21日分別在凌晨1時在北潭涌截停6名南亞裔男子及在大網仔路再截獲5名，證實他們是非法入境，眾人承認由內地經水路偷渡來港) 經相討過後本想查問一吓，但他已走了很遠，到底係定唔係I. I. 呢，依一刻都有點懷疑……

經過一輪苦戰後，中午12:15 到達蚺蛇尖 ( 468m )，但眼見米粉頂北面之山坡剛剛給山火洗禮過, 而且面積都相當之大， 其實依幾年每逢星期日都有很多人會上蚺蛇尖，今天所見冇幾佰都有舊幾水人係到，真係熱鬧到極點，大休過後，下午13:00 便開始下走蚺蛇東脊落米粉頂，準備再戰預定的第二道菜長咀。

依個時候我的膝頭竟然又開始向我投訴 (舊患疾復)，原本兩度想回走蚺蛇返去高流灣等他們，但經過相議後，我們決定改出米粉咀經千溪海岸接蚺蛇灣再過高流灣坐街渡返黃石，而我們便開始踏上一條條被山火洗禮過後凸顯在山脊上的山徑，而這段路我真的忙個不停(因為我要同我的膝頭講數)，亦為我們尾場個套(老貓燒鬚)揭開序幕…….

先講返好不容易才走到米粉咀，小休過後便向千溪海岸進發，而原途的山坡依然是烏黑黑的，由於山火過後，樹木草皮盡毀，加上斗鈄的地形，在沒有任何借手之下亦増加了難度，途中我們其中一位隊員還差點兒滑倒落山坡，好彩冇受傷，經過一輪沙塵滾滾後，最終穿過密林下接滾石灘。

(25)

(27) 小心呀~~~~

終於到咗千溪海岸la，正因潮汐關係，本來一個很易過的岩岸，此刻卻變成一個險位，看看手錶已經16:45了，而我就提出了不如打電話比艇家坐船走，經過一輪查問......撥號.......留言， 最後都係較自己，但在團隊精神互相幫助下，我們最終都係安然渡過(一個都冇濕到)，但係攪一攪，就攪到黃昏17:30 先再接上山過蚺蛇灣。

(30)

(31)

天開始黑….. 先黎第一個壞消息就係趕唔切尾班船，因為尾船18:00高流灣開出，所以我們已叠埋心水苦走返蚺蛇坳經大浪坳落赤徑再上走出北潭坳，誰不知依個時候竟然上演一套 (老貓燒鬚)，因為第二個壞消息終於黎咗，就係唯一接過蚺蛇灣的路口唔見咗心，我地竟然搵唔到個路口心，上走了佰幾米也找不到，可能漆黑一片再加上小人行既關係，莫非已經比d草生密咗心，但要在漆黑一片鏟林又非常之危險，而且我地d水都差不多飲晒，依個時候點解會係海度見到聖誕燈飾閃閃吓ge(水警輪)，哈哈….救星到啦 !大家都豪不自覺地將頭燈轉向海中心，而我亦發出了SOS 的求救訊號，而他們亦開咪回覆我們已經收到了，最終我地自行返回小石灘等待救援，大家心想…..可以立刻跳上船唔洗再行，誰不知水警經過一輪又一輪既搶灘都不能成功，因為水淺而且潮石多，再加上非常之大浪，救生艇都不能接近，經過差不多一小時既搏鬥 (在搶灘時隻艇差d反咗三四次，幾位阿sir為救隻艇，差點兒壓在艇下，仲濕埋身) 他們終於平安上了石灘並成功推返隻艇出去，但救生艇已經入了水同受損了，因此救生艇亦要即時返回水警輪，由於幾位阿sir相討過後覺得不能在此安全上艇，所以當阿sir了解過沒有人受傷之後，決定陪我們一起再試試找尋出路，於是我們又再次返回山上，最初上得太高，結果又要再落返山，經過個多小時上上落落摸黑搵路之後，終於找到了 (特別鳴謝隊友sonia尋回隱蔽路口，以及隊友長江陪同兩位阿sir做我地既探路兵)，沿途摸摸跌跌一輪，約在晚上21:10 跌到了蚺蛇灣，而另一救生艇亦可在此迎接我們平安上水警輪，在船上，他們關懷親切的奉上熱茶，交代過一切及留下個人資料後，最終他們送到我地去黃石碼頭落船已是晚上22:12，臨行時還不忙問我們是否須要call的士，如此細心，真係英雄亦有溫柔的一面，更想不到的是，當他們見到我地係碼頭影相時，那位大sir更樂意地和我們拍了一張合照。

 (32)

 (33) 

多謝及拜拜後，立刻彈上的士出西貢醫肚，正所謂…(好日唔上蚺蛇尖, 今日一上即出事)。   

 (34)

 (35) 

我在此衷心的向(水警51)所有人員說聲….多謝，真是無言感激。