之前看到Nutricia的FB, 可以報名參加它的媽媽講座~ 於是試吓報名, 又得咗, 遠啲都去聽吓~
地點在牛頭角如心艾朗酒店, 都幾近地鐵站, 不算難找, 而且酒店設計幾新式, 但俾啲工廠大廈圍住~ 同平時的講座不同, 大家是一圍圍坐, 而且參加人數不多, 約50對夫婦, 當然也有些自己來的太太~
因為又遲了少少, 去到已經玩緊一個小遊戲, 係bingo遊戲, 在紙上答些有關懷孕及照顧bb的問題, 和同枱其他太太傾吓對答案, 有3個答案一樣就bingo, 可以攞2盒NutriciaMama魚油丸~ 雖然遲到, 不過幸好和隔離的太太好快找到3個一樣的答案, 很快就拿了禮物~
之後就正式開始講座~ 第一部份有物理治療師介紹一些適合孕婦做的運動, 例如凱格爾運動, 簡單的拉筋運動, 按摩等~ 不過之前剛去醫院上了物理治療班, 所以大部份運動都聽過~ 不過再溫書都有用的~
第2部份就有營養師講吓孕婦於懷孕期的營養需要及注意事項~ 其實都係聽過大部份內容, 又當係溫書啦~ 唯一冇聽過就係介紹Nutricia推出的apps: ENP個人飲食小幫手, 可以每日記錄吃了什麼, 之後分析所吃的食物營養是否足夠~ 自己都下載了, 都幾易用, 而且版面設計得幾靚, 不過如果多啲食物或飲品的選擇會更好~ Nutricia仲同理工大學做緊研究, 是關於這個apps的應用, 是否如實反映懷孕媽媽或新手媽媽的營養攝取及使用這個apps的成效, 成功參加可以有500蚊超市禮劵~ 不過可能要去幾次理工大學, 又唔知進一步要做咩, 個人就決定唔參加啦~
其實除了這個apps, 講座都介紹了nutricia的網頁有其他工具, 由懷孕前到嬰幼兒期都有工具可以玩吓, 有興趣可以去網站看看:
http://www.nutriciaprogram.com.hk/~
最後環節就係寫一封給未來bb的信, 將會在bb六個月的時候就會收到~ 自己同老公都寫了一些說話給bb, 唔知到時睇番有什麼感覺? 呢個活動都幾有心思~~
今次的禮物就有2盒魚油丸、一份當時未收到的神秘禮物 (原來是一個很大的cushion, 好似上次美贊臣送嗰個, 即係依家有2個)、還有一本mama class的notes, 入面有不少資料, 例如食譜、媽媽運動、情緒處理等, 都不錯~
參加講座之後, 原來附近有間美亞廚具店, 因為它的工廠就在牛頭角~ 除咗新款廚具, 仲有outlet, 那些舊款的鑊及廚具都比其他店便宜很多, 不過我們已經一早有目標~
就是買了這個circulon的鑊, 30吋, 不包蓋 (我們本身有蓋, 所以不是問題~), 5百幾蚊, 比百貨公司減價再平少少~ 暫時用都覺得唔錯, 係重手一點~
買了這個鑊還有贈品, 一把廚剪及一本食譜~ 如果買滿600蚊仲送多3件廚具, 不過切香草器呢類廚具真係好少用, 所以都唔買夠600蚊啦~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
