10周年的迪士尼樂園

迪士尼粉絲如我，樂園10周年，好應該入園逛逛

但兩星期前先同野人暑假最後衝刺去過

就算我係粉絲，都冇諗住再去

但虎爸好似擔心我唔去會後悔，所以主動建議入園，嘻嘻


今次野人全程決定自己想玩咩、食咩

呢個係一個好好學習嘅機會!!!!!

學下點安排先後次序、分配時間、

互相尊重雙方喜好、學習妥協。。。






由於兩星期前先嚟過，野人都顯得相當HEA玩XD

部份同一樣嘢，都玩兩、三次。。。

雖然10周年，但都唔太多人:)





後面多咗個印巴(家)人，哈哈哈哈

明明一年前玩都唔驚，今次玩又話好驚!!!!!-__-




巧遇朋友仔:) 好明顯大家望唔同鏡頭，嘻嘻

帶住兩個唔知點解咁驚煙花嘅野人

睇煙花一向都冇我份

當準備離開時，大約係爆煙花前15分鐘

聽到咩咩10周年煙花匯演嘅廣播

雖然之前明明已打聽冇10周年特別煙花匯演

但段廣播講到似層層，又親耳聽到

又冇理由唔信!!!!!

所以說服野人留喺小鎮大街嘅舖頭睇嘢

我就獨自欣賞煙花匯演:P


但。。。究竟係我太耐冇睇過煙花匯演

定係根本真係冇咩10周年特別煙花

我。完。全。唔。覺。得。有。咩。10。周。年。煙。花!!!!!!

同平時係一模一樣!!!!!

而且全程都睇得唔清唔楚!!!!!!!



真係唔知點解好多人都要用部電話拍低個矇查查嘅煙花

變相好多人都係用部電話睇，而唔係用對真眼睇!!!!!

本來佢地拍片係佢地嘅事，但個個係咁舉起雙手

我真係要有姚明咁嘅身型，先有機會清楚睇到煙花囉!!!!!!激死!!!!

迪士尼後記︰

野人真係長大了!!!!

以前玩完一日迪士尼

回程一定攰到變咗兩隻死豬

仲要返到屋企樓下會叫極都叫唔醒

但而家係可以大個到，返到屋企附近一齊去食糖水!!!!XD

============================================

感謝 3BMaMa 提供以上資料

3BMaMa的網誌: http://www.bbbmama.blogspot.hk/

============================================