係智能電話出現之前，成日都會見到有人係巴士地鐵上面睇書睇報紙
而家一機在手，無論搭車，等車，食飯定行街，個個都係底頭族
都會忍唔住係衫袋手袋拎個電話出嚟掃掃掃
有時候係地鐵拎本書出嚟睇竟然會俾人用奇異嘅眼光望住
就好似同你講”你睇書呀？"
係電話未成為"必需品"時，
我真係成日書不離手㗎，坐地鐵會睇
臨瞓之前又會睇
因為喜歡看書，到而家都習慣放一本書係袋入面
雖然而家好多時都不自覺咁先拎咗個電話出嚟先
總覺得拎住本書比較實在XD
正所謂 "書中自有黃金屋 書中自有顏如玉 ”
拎起你好耐無拎起嘅書睇下啦～
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
