9 抵不住的誘惑

難得同朋友係趕頭趕命的一小時午餐聚會

揀間坐得舒適食得開心既餐廳係必要的~

新曼谷都不失為一個好選擇

滿有泰國裝飾的地道老店

店內員工大多係泰國人

但仍能操流利廣東話，

所以完全唔會有溝通既問題

 每次去到呢間都想試一下其他既食物

但每次都抵受唔住個冬陰功湯河既魅力

次次最終爭扎一輪都係叫番佢

呢度既冬陰功用料充足，

香茅，檸檬葉，蔥等

湯濃，帶少少椰香既味道

酸中帶少少辣

唔食得辣既人都可接受到

當然嗜辣者就不能將佢同麻辣比啦~~~

香菇夠多，啱曬我呢啲菇精啦~~~~

一碗都有四至五隻蝦，都已經去殼(除咗蝦尾部份)

咁就唔驚講講下連殼都吞埋~~

河粉夠滑身，唔會易碎

仲會送杯餐飲，今次就揀咗熱龍眼蜜

都有凍飲杯咁大架

成個餐都係大約40 蚊

係周圍所有食店都狂加價的時候

呢間仍然未加價，做呢個價錢都算差不多啦~