麒麟爬樹 - 下回

(麒麟爬樹 - 上回) 講到我地係度玩緊d防禦陣線，玩了差不多一小時終於過了古洞水塘出到新田公路，左問問右望望之後，我地行咗成半個鐘先行到豆腐花廠，初頭以為睇錯咗，點知真係 $6任食豆腐花任飲豆漿，而且仲有好多一車一車旅遊巴車d人入黎，眼見冇二佰都有一佰人，我即時食咗3 大碗豆花同一大碗豆漿，點知同行ge豬腸粉仲冇蝕底過我，竟然食咗六七碗，正所謂出外靠朋友，因為仲有老友請食咖哩魚旦同茶果，結果飽得滯，行程又要一改再改，為有下次先再上大石磨。

但係依個時候只係三點幾，於是無無聊聊貢走入去長春社惜樹日個嘉年華度睇睇，因為係正豆腐廠對面ge空地度，一入到去，佢地走晒去登記玩爬樹，我緊係唔玩啦...... 我玩完棵樹仲有命，不過佢地爬完之後，個個仲辛苦過闖林開路，跟住我地又走去拎免費T-Shirt，件衫仲可以自己劃野上去，又玩攤位遊戲換禮物，總知好玩到停唔到手。