![]()
小妹一向很怕咖啡的苦味，所以去cafe多數會叫拿鐵，牛奶的比例佔大多數，但又會有陣陣咖啡香，較容易入口呢。剛好同事告知屯門市廣場既銅貓咖啡味道唔錯，銅貓更係Pokka Cafe既另一條支線呢，所以呢日食完元氣後，隔離就係銅貓，點可以不試呢!
時間接近九點，店內只有一檯客人，這樣我們便可以坐得鬆動少少。客人需自行到收銀處落單，其後店員會把食物送上來。
咖啡店內有多款咖啡供應，特別味道的凍咖啡款式亦有，另也有意粉提供。
![]()
蛋糕櫃內尚餘滿多款蛋糕選擇，與咖啡可以配成套餐，感覺滿化算的。
![]()
熱胚芽綠茶 (單點$33，套餐$53)
一向喜歡飲綠茶拿鐵，問過店員有一款類似既就係呢杯胚芽綠茶，諗住味道都唔差就叫黎試試。綠茶用上白底花圖案既杯子盛著，感覺好有自己係屋企沖製既感覺。面頭放上一堆胚芽粉，讓我聯想起胚芽好立克，但裡頭就係變左淡綠色既牛奶綠茶。
先飲一啖，綠茶味道真係淡得可憐，可以叫做無綠茶味，飲落去就似飲緊熱牛奶，但係味道淡既牛奶。如果呢杯叫做牛奶都算喇 (雖然味淡)，但係叫佢做綠茶既飲品真係好鬼難飲，超失望。
咸焦糖拖肥日式芝士卷 (單點$32，套餐$53)
這卷蛋的芝士味是滿濃郁，海綿蛋糕頗軟屬，加上面頭一層啡色的咸焦糖，味道提升了，不錯。
雲呢拿馬卡龍 $9
咬落尚算鬆化，不過雲呢拿味同樣較淡，小妹只食得出一陣甜味。
銅貓咖啡
地址: 屯門屯隆街3號屯門市廣場1期1樓售物亭C號舖
(港鐵屯門站 B 出口)
電話: 2887 0289
營業時間: 星期一至日:10:30-22:30
================================
(喜歡的，請按讚支持，是給我很大的鼓勵啊 ![]()
)
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
銅貓咖啡
Yukkuri
Nomad
Italian Tomato Café (馬鞍山店)
Express Bar by Lassana (觀點中心)
Espresso Alchemy (美麗華商場)
CoHee Studio
Espresso Alchemy (海港城)