很貴的生猛海鮮..

蒸氣石鍋最近在各區都紛紛湧現, 先前到旺角吃過, 今次去大埔, 近近地就帶帶媽媽去食, 味道方面頗有水準, 但服務則未及旺角的好.

茶樓面積好寬敞, 不過我坐的位置經常比人撞椅背....還有侍應總是喜歡上菜後把手抹落我的椅背...

安頓後就出去自製調味醬料, 雖然海鮮夠鮮味, 但總想加少少辣椒豉油, 還有XO醬、沙茶醬等等.

海鮮檔有各種不同海鮮, 例如象拔蚌、鮑魚、花竹蝦、石蠔、大元貝等, 價錢絕不便宜, 大概比市價貴5倍.

籐蓋加蒸鍋, 還有計時鐘, 直接按下材料所需蒸煮時間, 夠鐘就會嘟嘟聲響起, 方便通知店員過來幫忙打開籐蓋. 但大埔店的店員可能比較忙, 每次都要我們舉手叫店員過來幫忙, 不像旺角店般那麼機警.

一早決定要吃粥, 所以點好菜後就把米、南瓜及排骨放在鍋底蒸煮, 然後在蒸隔上放海鮮蒸, 這即謂 '上蒸海鮮, 下煮粥', 精華就滴入粥內, 待吃完海鮮, 粥就煲得剛剛好.

5隻花竹蝦已經要$218, $36/一兩, 連去開街市買餸既師奶都話貴啦, 因為街市賣$7/一兩.

蝦肉實淨彈牙, 吃每啖都是咬緊自己D血汗錢....

再點一斤紐西蘭鑽石蜆, 大概20-22隻.

全部放入蒸鍋裏蒸5分鐘便可吃, 但由於我們還在吃蝦, 侍應就提議繼續放在蒸氣鍋內保持熱度, UM...以我一個不諳烹煮的小妹來說, 都知放在蒸鍋只會令蜆overcooked啦, 好費解店員會有咁既提議.

於是照請店員把蜆全數拿起放在碟上, 大部份蜆都開晒口, 而且飲飽水, 脹卜卜. 蜆肉算大兼嫩滑, 好新鮮.

吃完海鮮就食排骨粥, 當然越多海鮮, 粥就會越鮮甜, 今次的粥煲得幾綿, 但不夠海鮮, 所以甜度只屬一般.

另外一提, 今次的籐蓋令到煙向四處溢出, 而不是向上升, 一邊等著吃就一邊被蒸氣追著...


題外話/補充資料
食材是夠新鮮, 但服務不太好, 整體來說價格偏高.

============================================

感謝 JannisT 提供以上資料

JannisT的網誌: http://www.openrice.com/zh/gourmet/reviews.htm?userid=233167&city=hongkong

============================================