這幾天下班以後, 都跟老表前往 HK 各處走走, 一些本地大熱夜景地點, 我們當然也没有放過.
尖沙咀海傍的夜景, 我想没有一個來港的遊客會錯過, 事實上我也很愛這一道風景 !
回顧我以往所有到過的地方, 没有幾處的夜景可以與此相比, 而我最愛觀賞這片風景的地點, 倒也不難找的, 那就是海港城的露天停車場了 ~
將車停到這裡, 剛好是黃昏時間, 日落没見得到, 卻剛好於離場前看一下夜景.
海港城的 LCX 剛好跟豆腐人合作, 搞了一個小展覽 “LCX x TO-FU OYAKO 20th Anniversary”
我本身唔算係豆腐人的 fans, 只係偶然間買過佢同另一品牌的 crossover 公仔, 其實豆腐人都幾得意架.
唔講唔知, 呢隻豆腐仔都成 20 歲架啦, 生日快樂哦 !!
想睇下各式 豆腐人 Figure, 可以在 LCX 內各個角落找到, 還包括了豆腐人跟其他品牌合作的作品 … …
我幾鍾意佢一對 20 週年的公仔, 可惜那個換領條件有點難度高 !
Crossover 作品 – 有 Melody, 有 Little Twins Star … … 仲有豆腐武士 !
另一晚, 我地上左山頂 !
如果要玩山頂, 除左睇夜景之外, 其實最好係去行山 !
我地係 IFC 坐 1 號小巴上山頂, 不過下次真係要三思, 這回坐到我差點嘔出來 … …
盧吉道很好走, 可惜睇夜景麻麻, 全被樹擋著了 … …
反而想影睇景, 可以考慮去山頂的公廁外, 那邊算是無遮無擋的 !
接著走過淩霄閣, 推介不用排隊坐纜車下山, 反而走纜車站旁的芬梨徑, 可以看到更多好風景哦 !
一口氣四張夜景, 完全開揚的景觀, 又點解要俾錢上 viewing platform ?!
我之前曾經跟隊友走這路線, 白天的情況 :
走到 Barker Road Station 附近, 仲可以影埋纜車添 ~
這個車站, 可是很多電影的拍攝場地, 充滿懷舊風情, 白天跟晚上的風景, 是否有點不一樣 ?!
我們開始往山下走去 … 走著走著, 很快便會來到梅道 ~
這條路很好走的, 當然我是指下山路段啦 !!
接著我們以中環自動電梯為目標, 没想到會走到這條迴旋天橋, 這是一角超有美感的結構, 很令人意外的風景, 非常喜歡 !
回到了中環自動電梯, 我又怎會去帶老表去 PMQ 丫 ~
夜晚的 PMQ, 都真係幾舒服架 !
次次黎呢度, 我都忍唔住要到 4 樓天台花園坐坐 … …
繼續大長征, 我們決定去西環食野 !!
無意中來到 金興潮洲飯店, 真真有驚喜, 價格實惠, 食材實在, 很抵吃也很好吃, 值得推介 !
金興潮洲飯店 Openrice Review :
甜品時間 – 甜品堂, 我們來了 !
這店的出品嘛 … … 咁就要睇下點咩黎食啦.
這個綠茶 Tiramisu 倒也相當不錯, 甜度適中, 而且綠茶味濃.
不過那個芒果三吃真係有點行, 芒果雪糕係普通貨色, 芒果布甸是小學雞質素, 芒果肉也不夠新鮮 … 這個絕對不值得推介 ~~~
甜品堂 Openrice Review :
回程, 我地坐電車 !!
行程順利完成了, HK 夜景真係好鬼吸引架 ~~~
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
