【刺激零距離】We嘩! 最瘋狂㵦的...點好玩呀???

We嘩!的魔力超大....我問囝:「跳彈床又嚟啦, 你暑假尾先玩完, 今次都應該唔去架啦?」

誰知我又猜錯主子的心:「去呀!梗係去...我好鍾意跳呀!」於是國慶假期, 我家主子又去齊黃金海岸, 及奧海城的兩個We嘩! 充氣嘉年華.

一直以來黃金海岸都是比較大規模, 不過, 我今次終於發現如何得到小朋友歡心呢? 原來是充氣彈床的刺激感.

今次黃金海岸有新登場的「We嘩！探月火箭！」, 外型似十足一條毛毛蟲, 原來玩秘室探險.

因為大人看不通火箭入面, 所以全部要靠阿囝解釋:「中間有條滑梯, 好細嘅...入面要開燈, 不過要探險, 我發現有閃燈, 執咗返屋企」

 (吓?你執咗咩返屋企?)」一看之下...哦!原來有人掉了一粒銀色鐵片, 小朋友就以為是反光燈, 還千叮萬囑:「爸爸, 唔好揼咗我粒開關製呀!」 

以往小朋友不愛玩水上飄, 但今次與彤彤一起, 又主動捲入筒內, 「梗係啦, 爸爸轉得咁快, 我被你拋離拋去好驚...」(唔係咁先叫刺激咩?)

至於怎樣釐定一個遊戲好玩與否, 視乎小朋友不斷重複又重複, 提完又提玩遊戲時的情況, 就一定非常精彩.

這個便是奧海城, 只限110CM以上小朋友入場的宇宙探索屋...其實, 以家長來說, 不會覺得有何分別, 因為我們在外發呆等候, 點會知道入面情況呢

小朋友:「超好玩, 好刺激, 因為個滑梯好高, 左手邊最高, 右手邊第二高, 中間最唔好玩」

其實, 這間屋與黃金海岸的小丑魚都差唔多高啫?? 點解會咁好玩呀? 阿囝答:「唔同, 好斜, 我要行好多樓梯先到, 你係唔係因為有D布遮住, 所以唔覺得好高? 真係好高....」

(咁隔離個海盜船都係新嘢喎...唔好玩咩?) 已經失控的囝:「BB玩嘅, 都係間屋好玩, 爸爸...你聽我講先...」(下刪三百字)

阿囝不停講, 失控講不停...我就知他玩得很興奮....阿囝:「我今日只係瀡咗17次咋...太多人喇, 爸爸...我哋幾時再去玩呀?」(吓?你仲未夠喉呀?)