學車記 (12)

第九堂: 10/10/2015

第十堂: 12/10/2015 (晚)

因為兩堂隔得太近, 而且兩堂也都是練泊車+掉頭, 所以就出一篇文來說~~  

第九堂... 初時做泊車、掉頭時還不錯的, 可是, 不知為何... 越做越衰!! 可能被師傅鬧後, 又緊張啦~~ 我把開車和停車的步驟都混淆了... 竟然做出空波滑行!! 

第十堂... 原本師傅想我這堂行街, 但眼見上一堂的泊車掉頭越做越衰, 就要求師傅比我練多一堂才去行街~ 這次泊車明顯好了, 掉頭還差少少, 始終還是腳手不太協調... 不能做到邊掂brake 邊扭軚... 顧著扭軚(扭幾多)就不能掂brake... 慘!! 

總結:

1. 今堂的問題:

* (第九堂) 開車和停車的步驟混淆了, 空波滑行 (雖然只是一次, 但不能接受, 因是嚴重錯誤來的!)

* (第十堂) 掉頭不能做到邊掂brake 邊扭軚

* 轉彎仍然捉不到那種感覺

2. 已改善的地方:

* (第十堂) 泊車沒問題, 最後一次還泊得很好, 師傅大讚!! 

~~~~~~~~~~~~~~~~~

我發覺我不是很鬧得... 越鬧我就越緊張, 就越容易出錯!! 師傅成日話你有無用心記著呢? 剛剛講完你又錯返? 叫你掂brake 來做, 唔好一下放晒, 你又來? ... 其實, 我想話... 我有記著, 我知要做... 但我真係手腳不協調嘛... 做唔到不等於我無用心聽用心記囉!! 唉... 只是, 費時嘈,我通常由得他鬧... 

============================================

感謝 旅行小粉絲 提供以上資料

旅行小粉絲的網誌: http://vleung0_0.mysinablog.com/

============================================