話說轉得成工要和愛侶吃一餐是必然的事，所以趁現在鐵人旨花沒太多人，就和愛吃日本菜的男友去吃吃壽司。 其實鐵人旨花都開業了一段時間，我們現在才吃實在有點遲呢~

話說男友好明顯已經無食到咁盡，只係叫左個料理長推介(蕊) ，嗱~都$868架~ 仲未計加一，其實我覺得自己都算幾慷慨~  

前菜係(右起)利芋、蓮藕同玉子大根，這一式三件的前菜單是賣相已覺吸引利芋外型似魚旦，比普通的芋頭爽口，不過芋味不濃~ 

而蓮藕除了口感爽口外，入口淡淡花香，慢慢細嚼下，感覺非常滋味~ 

玉子大根方面，大根即白蘿白，玉子明顯只是配角~用清湯煮過的大根，入口清甜，不過食到中間有少許蘿白的苦味~  

跟住就是5款刺身的開始，打頭陣係令我眼前一亮嘅岩手縣生蠔，在生蠔表面係特製的酸汁啫喱，去代替檸檬汁，師傅的心機就在這裡，除了生蠔新鮮外，還特別用這些花巧的啫喱提升味道的層次。這隻岩手縣生蠔肥美多汁，蠔味重冇銅味，而且蠔味清幽，每隻蠔還有一塊粉紅色小牌以驗明正貨~ 

跟住出場的是平目魚刺身，酸汁配上辣椒碎、蘿白茸和蔥。刺身爽口彈牙而且肉質好煙韌。

然後我最喜歡的深海池魚登場，引來這個刺身巡禮的小高潮，深海池魚刺身肉質新鮮，而且細軟黏口，與之前兩者不同，肉厚細膩，而且魚油多，一下子就滑入喉嚨，想多嚼幾次都唔得.......T.T 

跟住係平時比較少食嘅平政魚，肉質彈牙，而且味道像平常吃的的油甘魚，魚油唔多，但魚味適中~ 

最後係鯖魚刺身，食完之後︳我發現自己都係比較鍾意燒嗰種口感~ 

歡樂時光過得特別快，咁快就嚟到燒物勒~ 呢客帶子燒物都幾特別，紫菜與燒物中間用紫蘇葉來中和炸物的油膩，好有機心嘅作品。

帶子肉掌握得相當好，剛剛熟而已! 而且紫菜脆口，呢個好重要~

突然，師傅送上這碟像法國菜中間的雪芭般的清味蕾小吃~ 黃蘿白、醃淮山、蒜頭和蔥頭，避免太長氣，只說其中兩樣。醃淮山有芝麻香，好似浸過花旗參咁嘅味道~ 蔥頭得一個字：「酸」。

話說壽司開始了，第一款是白蝦壽司，未入口已嗅到花香味道，一入口即刻溶左!!!!!! 其蝦肉細軟綿滑，實在很久沒試過如此好吃的白蝦!!! 

我懷疑師傅係咪以為我係老人家，多款壽司都好軟熟，赤目魚壽司，魚肉猶如綿花般入口，真係魚不可貌相。

我最初真係好怕拖羅，因為係坊間吃過太多唔新鮮又腥嘅拖羅，雖然卻俾呢舊拖羅壽司，肉色如橙色一樣，肉質入口即化，好軟滑的拖羅。

結論：
其實本來我有一刻係度諗, 究竟食到咁貴飽唔飽，結果我去到個海膽飯已經覺得飽......  其實咁貴都係物有所值，除左魚生好新鮮之外，當你見到元氣寿司啲飯全部散開，

而呢度係一粒飯都無散過，你就明白，人手整同機整係唔同，大家成日話要保護乜乜乜文化，其實壽司師傅嘅手藝，何嘗唔係值得尊重呢?  只不過錢同保護文化係好難平衡~~~~
 

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================