尖沙咀呢條柯士甸度真係好多好野食，雞煲、妹記、韓國炸雞呀等等~  今日同姨姨放左工就係度行行下，見到呢間拉麵小店有條人龍，又好似日本啲傳統拉麵店咁，細細間好隱世咁，所有人龍食肆對我而言也有種難以抗拒的吸引力，所以我們就開始排了，諗住前面有幾個人，應該排一陣啫~ 誰知一排就十幾分鐘。

好不容易入到裡面，的而且確店內真係好似日本啲拉麵店咁窄，不過我無因此而打退堂鼓。店方都好好，係牆上面設置左啲勾勾俾人掛衫。

店內有個小櫃子，放左好多波子汽水、SAKE同日本公仔，點綴了呢間裝修簡單嘅拉麵店~ 

枱面上有4款唔同嘅調味料，有炸蒜、菜粒、拉麵胡椒同店長特製嘅魚油，由於呢度嘅湯底除左以豬骨做之外，仲加入左由5種魚製成嘅魚介粉，所以店方叫我地要試左個湯第一啖先好落，可以試到加前加後嘅分別~ 

我特別喜歡呢度嘅綠茶，好綠色，好似加左好多綠茶粉咁，而且色澤仲好似小麥草，個壺睇嚟唔保暖，但係酙出嚟嘅茶又暖架喎，神奇~ 

呢張ORDER紙令我諗返起豚王，好多拉麵店而家都有得俾食客揀返自己鍾意嘅口味，呢度都有呢樣野~ 不過落左單都要第幾個字先有得食，上麵速度慢~ (其實一般拉麵店都慢~)

我揀左呢個排第一又簡簡單單嘅德川將軍拉麵(醬油豬骨湯底)，佢真係簡單到同呢間舖一樣，除左一塊叉燒之外，得啲紫菜同木耳。湯嘅濃度相當高，由於醬油作湯底的關係，完全看不到碗底，味道一如關西傳統拉麵般濃和偏咸。

雖然呢度唔係用日本師傅整，不過麵嘅軟硬度都控制得唔錯，食係嚟都幾彈牙。雖然我自己徧好沾麵，但個麵都不錯~

雖然只係得一千零一塊叉燒，但係佢嘅肥瘦分佈得相當好，叉燒肥的部份一咬入口，油份淡淡地流出，表面還有焦香~ 

我還好奇地加了店方提供的拉麵胡椒，其實只是比起平常的胡椒粉粒子較粗和黑色粒子較多，不過胡椒味香濃~

姨姨點了這碗「織田將軍拉麵(鹽味豬骨湯底)」，她比我好有多1隻溏心蛋，湯底和德川將軍拉麵(醬油豬骨湯底)差不多，只是少了德川將軍拉麵的少許醬油香，也不是醬油般咸。

這顆溏心蛋比平常的拉麵店，更流心~ 熟的地方不多，但流心的地方卻真的很溶，不是常見的半固體狀態。

看看~ 真的可以輕易流出來，我特意把這個蛋黃的黃漿流到拉麵裡去，讓拉麵也有點蛋香。

總結：這裡的拉麵比較著重似地道日本拉麵多於遷就香港人的口味，所以拉麵也像關西地方的拉麵般較咸( 在日本海嘨前，我去過日本的關西，那裡的拉麵更咸....) 不過也值得一試，因為香港已很少地方還可以吃出這水準的拉麵。

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================