係九龍灣食野本身都係好難選擇，我去完Hello Kitty exhibition 之後，由EMAX走返過嚟，本來我想話食呢間泰國野對面間餐廳，點知....原來已經執左變成太興!!! 天啊~ 其實德福係我眼中，唔係入太與呢啲舖，應該入啲特式餐廳先係架嘛! Anyway, 我係無乜選擇底下，揀左呢間泰國菜館。

一行入嚟已經覺得好整齊，餐廳分左2部份，大家見到嘅係入門口嘅部份，以2人至4人枱為主~ 燈光都浪漫過人~ 

跟住就係啲6人枱啊~ 燈光又光啲，熱鬧啲咁~ 我地雖然2個人，但係佢地最後俾左張卡位6人枱俾我地~ 而且座位partition亦很高，所以不太容易聽到或者見到隔離講乜同食乜，open area得嚟都有啲私人空間。

我同my boy行完都8點幾，真係好肚餓，所以不加思索就點左呢個2人餐，其實3百幾蚊有咁多野都算幾抵，有湯有甜品，九龍城啲泰國餐廳都未必做到。

呢個炸魚餅同炸蝦餅雙拼賣相成個冬甩咁，不過感覺係翻炸/ 焗熱嘅咁，味道還好~ 炸魚餅參雜著一些香茅味，還真算有些特別。

呢個大頭蝦冬蔭功湯賣相真係幾靚，佢個樣唔係好紅色，味道唔辣，仲其實幾甜。

可能加左隻好大嘅大頭蝦同好多菇，所以搞到咁甜。

同埋隻大頭蝦又真係堅大隻~ 然而，其實冬蔭功味不夠，好soft，好明顯廚師調較過個味道，唔係傳統冬蔭功味道~ 提醒大家千其唔好將個爐嘅出口向住自己，因為助燃物其實幾臭。

我本人好鍾意食馬拉盞炒通菜，呢碟馬拉盞炒通菜雖然上嚟係熱嘅，但係我覺得太多汁，感覺似係淥熟佢然後炒兩野咁。 炒熟嘅菜通常都係好爽口架嘛~ 有啲失望囉~ 不過個份量okay~ 

套餐包左一碗飯，泰國餐廳通常都毫無疑問係用泰國米嘅，見到啲米修修長長咁，就梗加肯定啦~ 

我一直好奇左好耐，隻蝦點爆炸呢，一上菜時啲香料已經撲鼻而來，原來佢用左好多葱、香茅去炸同炒，有點像避風塘的變奏~ 

隻蝦其實只有一千零一隻咁多 ! 唔係講笑，可能因為佢夠大隻(成隻手掌咁大! )，店方覺得我地2個人可以除返開一人食半隻都okay，所以俾一隻。=_=" 其實我覺得可以加多隻下嘛.... 細隻啲都好丫，好事成雙係咪好啲呢? 

my boy 給我分了半隻蝦，其實蝦肉都算實嘅，不過炸過嘅蝦係真係有過熟嘅情況，唔夠鮮嫩係必然，不過啲香料都令到成隻蝦變得好入味，蝦同殼好容易起，所以食落都幾方便。但一人半隻真係有啲陰功囉! 

其實，我想話呢度之前真係提供最傳統用荷葉包住嘅椰汁西米糕，無諗過2年之後嚟到，竟然變左用摩登玻璃杯 ! 有個好處嘅，就係唔使整污糟隻手囉~ 呢杯椰汁西米糕其實算有心思，廚子應該係為左保留荷葉嘅味道係啲西米度，佢地係用荷葉汁去整西米糕，不過味道還是有點淡。

總結：其實呢度上菜真係好快，我點呢個2人餐，除左最後個爆炸老虎蝦要耐少少之外，竟然可以係10分鐘內嚟哂 !  經營餐廳嚟講，咁快嘅出餸量真係okay~ 但係作為食客，我會覺得咁快係咪一早整定呢? 雖然出嚟啲餸係熱，但係都釋去唔到我疑慮。

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================