係中環要食一餐lunch 真係唔容易，特別係你打算約埋三五知己出去食。我地一行5個人，為左食餐lunch 走左4個地方排隊，最後得呢度有位，仲要人齊先入得，感覺呢個lunch 同玩running man無分別。

蘭芳園呢間總舖本身就唔係好大位唔多，所以我地一張圓枱，坐左5個人都仲要搭多一個人，感覺真係好迫~ 

呢度其實係出名食蔥油雞扒公仔麵，但係我上次食完覺得好滯，而我今日真係好想食窩蛋牛肉飯，所以就算我知道唔係呢度嘅名物，我都想一試~ 

呢度傳聞另一名物係咸檸七，所以我毫不猶豫一試，不過換嚟嘅係失望，因為咸檸七嘅咸檸根本唔咸，佢嘅賣相係好，但係感覺唔係醃左好耐，真係為左趕出貨，連咸唔咸都唔理? 

我嘅窩蛋牛肉飯終於到勒，即使我係女仔，我見到個份量都覺得少。味道方面其實普普通通，免治牛肉做得出水準，同一個肉醬飯其實無乜分別。

咖央西多表面的牛油已不是多，入面咖央味也不濃，像兩片麵包夾在一起，要不是食左個窩蛋牛肉飯唔夠飽，我真係唔會叫呢客西多。

反觀我隔離個同事食蔥油雞扒公仔麵食到飽飽滯滯咁，嗚.... 下次都係點返名物嚟食。

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================