我和好朋友們約定今年年終前，一定要單獨同佢地食一餐飯~ 終於我地揀左我地屋企附近嘅餐廳，大圍區好評如潮的屋子咖啡。單看外表，其實我真係估唔到大圍區有間咁精緻嘅cafe，全黑色嘅外表，招牌只要細細隻「屋子」係右邊，俾人唔hard sell 好簡潔嘅感覺。我未入到去已經見到好多人~ 

舖內座位不多，但係總覺得每一位食客都坐得好舒服，有少少日本居酒屋嘅感覺，當然呢度光猛好多啦~

我地坐左係呢個小角落度，周邊都係寄賣oh la la嘅精品，雖然有啲阻住人睇野之嫌，但係呢一張枱最大嘅賣點，係可以好舒服咁坐係度，唔會俾人趕走嘅感覺~

我地2個人叫左2個套餐，而套餐送左一杯野飲，我揀左凍森林蘋果茶，諗住都應該好味，須知道蘋果茶好難唔好味.... 但係佢竟然真係做到! 杯野淡到乜咁....茶味唔濃，蘋果味也很淡.... 唯一係夠凍.....難道森林啲野係咁凍嘅咩?

跟住我嘅七味雞唐揚餐嚟啦~ 先講下個沙律，雖然菜係清一式生菜同一片蕃茄，但係花生醬落得夠多，所以成個日式沙津都好好食~ 而右邊嘅配菜係煮過嘅薯仔，呢個配菜係真係特別，因為日式好少做，而韓式又應該係一粒粒而非長條型..... 不過個味道好好，甜甜地~ 而個飯真係粒粒都係珍珠米，出面好多日式餐廳到溝埋泰國米嘅候，整碗也是珍珠米的感覺就更難得了~ 加上佢地唔係普普通通俾一碗白飯，上面灑上雞蛋紫菜加飯素，令人食得更開胃。

個人認為呢客吉列豚扒比我客七味雞好吃，沒有很多的炸粉，不太油膩，還有2種醬料可以點，一種是沙律醬，另一種是豬扒醬，2款醬都令到豬扒好好吃~

而七味雞方面，其實味道有點似西佑定食屋的炸雞，裡面軟軟的皮跟著雞肉，整件雞很濃味，所以令我感到有點滯~ 

不過再滯嘅女人，都總會有第二個胃，呢客焦糖杏仁芭菲窩夫單係賣相已經好靚，焦糖都灑得有心思過人

而且切開後每一層都好厚，醬料足夠點哂成個窩夫~ 

這個燕麥榛子梳乎厘真的很好吃! 燕麥除了佈滿梳乎厘，也佈滿了呍呢嗱雪糕，很脆~ 梳乎厘比我想像中快送到，有很濃的蛋味，好朋友說像濕了的馬拉糕! 唔講唔覺，一講就覺得好似，笑起上嚟~ 不過這客甜品實在不容錯過~ 

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================