本來打算係迪士尼樂園食飯，最後因為趕唔切樂園酒店啲buffet，所以決定出來東涌食返呢間以前有「平靚正」美譽嘅Essence。

由於今日係平日，只係開左2/3個場，好鬆動~ 而今季嘅主題係：中東

首先，各位真係要留意，呢度除左熱飲外，汽水廿蚊罐可謂明買明賣，唔好諗住最後有餐飲送啊~ 係無架~!!! 

到冷盤了，呢度最出面係二百幾蚊個人，就可以提供翡翠螺、魚生等冷盤，可惜的是.... 螺係夠大隻，但係有好多沙....
沙律方面其實選擇都好多，算係okay~ 

炒什菜真係好清淡....不過賣相真係靚，而且起碼唔老

呢個焗薯仔還可以，因為佢有放到啲煙肉一齊落去焗~ 也有些香草~ 

呢2碟pasta真係okay，不過本人推介大家吃墨魚麵多過其他，因為墨魚麵真係香濃~ 配忌廉汁更好~ 

呢個檸檬雞真係可怕，除左個汁係有少少檸檬味，啲汁完全入唔到啲肉，啲肉好「鞋」口，同煲完湯嘅雞差唔多。

同普通串燒一樣，不過佢特別左燒焦，但無燒焦嘅香味，而且微溫唔熱...裡面有洋蔥、魷魚、青口同西椒，食左一串唔會令人想食第二串。

初頭我見到佢個名真係好好奇，因為未食過小麥係乜野，點知....係似啲米切碎左咁，好奇怪，而且明明係同雜菜一齊炒，但無味.... 好奇怪

甜品方面，上面係焦糖燉蛋，但面頭係無烤焦的黃糖，只有..... 焦糖汁，仲要「稀框框」的...下面係我覺得最好食嘅朱古力泡芙，好吃~ 而且size也剛好~ 


題外話/補充資料
除左隨處可見同同事嬉笑怒罵嘅侍應生，埋單時向一位侍應生示意(手勢、同佢講、搵第2個同佢講) 3次，都無反應..... 佢個樣完全係嬲左你咁..... EMEME.... 算什麼酒店的服務態度?

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================