因為OPENRICE 多次推介，所以就決定攜同my boy係紀念日嚟試下~ 因為遲到，所以my boy 已經探左路，原來係地鐵站b2出口直行轉左就到。
我離遠見到間舖，以為關門....原來係因為佢地有3間舖位..... 嘩....3間! 夜晚都開2間~
![維記咖啡粉麵的相片 - 深水埗)]()
入面唔係好多人，比想象中易搵位，完全唔使等就坐得低~
![餐牌 - 深水埗的維記咖啡粉麵)]( "餐牌")
呢塊大展鴻圖嘅開張鏡，我懷疑老闆以前係開車廠出身嘅~
![呢張大展鴻圖揭示舖頭原名 - 深水埗的維記咖啡粉麵)]( "呢張大展鴻圖揭示舖頭原名")
嚟到即刻叫左杯凍檸茶同凍奶茶，我杯凍檸茶正常，有叫做有檸味同埋真係有好多冰係面，茶味唔夠出~ 但係my boy杯凍奶茶，做到奶同茶都好平均，而且飲落仲好順口，唔會有茶渣嘅感覺係條脷度~ 非常好~
![凍檸茶，凍奶茶 - 深水埗的維記咖啡粉麵)]( "凍檸茶，凍奶茶")
主角出場，其實等左唔使5分鐘就有得食，唔好諗太多賣相，單係睇豬潤同牛肉嘅數量都知道點解呢間舖會值得人推介! 由於本人對公仔麵嘅要求好高，我唔鍾意嘅太淋嘅，因為麵質感覺會好散，但呢度雖然用嘅唔係出前一丁，但係啲麵質一啲都唔曳，唔淋仲彈牙!
![豬潤牛肉麵 - 深水埗的維記咖啡粉麵)]( "豬潤牛肉麵")
講返啲牛肉，唔老有肉味，有時牛肉都會有啲羶味，但係呢度無~ 同埋有時啲茶餐廳好鍾意用梳打粉"嗱一嗱"佢地，呢度我有啲咁嘅感覺，不過佢都仲保留到啲肉質。
![維記咖啡粉麵的相片 - 深水埗)]()
而豬潤方面，唔會煮過龍，仲啱啱好~ 我個人認為份量太多，因為我食通粉，所以更加快食完~ 通粉嘅粉質都做得好好，顯然有過冷河，因為無淋哂~
![豬潤牛肉通粉 - 深水埗的維記咖啡粉麵)]( "豬潤牛肉通粉")
呢間野真係值得一試再試同埋推介俾人~!
============================================
感謝 Jackiess 提供以上資料
Jackiess 的網誌: http://www.openrice.com/zh/gourmet/reviews.htm?userid=151264&city=hongkong
============================================
