有晚我同小齊沖涼時佢問我 :
"替我解開心中的孤單, 啦啦啦啦啦~ " 係咩歌?
下??!! 點解你會聽過呢隻歌o既??!!
上個世紀o既歌o黎喎~
小齊話佢睇電影台做 "龍兄虎弟" 時聽過... 哦 ~
年代久遠囉, 朋 ~ 友 ~
我嘗試同佢解釋下歌詞, 不過似乎太深佢唔多明,
總之就係關於朋友啦!
小齊雖然得5歲, 但佢都有識左幾年o既朋友咖!
不過佢對朋友o既睇法同我地大人o既有d 唔同
我有時都要向佢灌輸一下對待朋友應該有o既態度
內容比較簡單, 小齊都應該可以應付到,
加上而家佢d 50音都學得 8899, 係時候比佢睇多D 日文繪本
不過身在香港要買日本繪本唔易呀
好彩台灣果邊已經有呢本書o既中文翻譯版,
更好彩係圖書館都有得借啦~
「朋友是什麼？」朋友不僅可以相互陪伴與分享，也可以大家一起合力完成一件事；但是友情的維持是需要懂得同理、尊重、彼此關心……，想想如果有人遭到排擠、嘲笑，會是什麼樣的感受？與朋友發生爭執時，又要以怎樣的態度面對？……
而且，朋友是可以超越年齡、性別、興趣喜好等種種差異的。很特別的是，書的結尾處插入幾張兒童的寫實攝影，讓我們瞥見世界其他地區，不同社會、文化下的兒童處境，也讓我們對朋友的想像更加廣闊，喚起我們思索「朋友」在生命中可以有的更深層意義──我們能為這些同在地球上的小孩做什麼呢？
書中o既內容都幾啱同小朋友分享下:
1. 如果係朋友就唔好做對方唔鍾意o既o野
小齊有時都唔明白, 同理心同埋體諒別人的確要學習
2. 齊心就事成
一個人力量有限, 做事好多時都要同人合作,
唔係話乜, 就算面試有時都有D 要合作o既 tasks,
所以都要教小齊要點樣同人合作
我記得小學果陣都覺得有d 同學好扮o野, 加上態度問題,
令大家都唔想同佢合作! 其實而家諗返可能係佢地唔識點同人合作!
唔想做 "獨家村" 似乎都要學習下同人相處o既學問,
特別係我地呢D"一孩家庭" -- 我唔希望小齊佢太自我中心呢!
3. 就算言語不通, 朋友就是朋友
做朋友應該係無界限o既, 但我覺得如果真正"交心"o既朋友, 如果言語不通都好難啫
點傾偈呀?!
不過我都試過因為識左其他國家o既朋友而嘗試學習下外語o既
交朋友都可以成為學習o既動力!
"那些年"o既柯騰都因為沈佳儀變得努力讀書啦~ 多熱血!
朋友話去游水, 你都會試下學~
朋友話踩單車, 你都會試下學~
而家小齊都仲細, 可能都未了解,
但所謂朋輩影響就係咁囉
而家仲細個, 佢地做朋友好簡單好天真,
乜o野都唔會介意, 咩都玩得一餐
「沒有人可以孤孤單單活著」，每個人都需要朋友。
有朋友真好!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
