Hello !
今日係星期日 , 話就話入左秋 , 天氣依然熱到癲 .
再加上曬爆 , 在房裡即使放埋冷氣 , 都有頂唔順之勢 . =_= !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在10月2日咪出左篇行程初盤既 , 暫時都諗唔到更好既方案 ,
相信都好大機會選用呢個行程 , 唔講大家唔知 ,
呢個行程可以一次過報兩個仇 , (或者再添新仇 , 一切睇天氣做人)
2012年果次霧駕遊尾段 , 有部份相片失落左 , 今次既行程 ,
正正係要填補番果次既遺憾 , 依家就講下預算路線 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第一日由於係凌晨機 , 到達北海道時 , 大約A.M.10:00 ,
所以會在機場攞車 , 第一個目的地係好有淵緣既 : 道の駅 ウトナイ湖 .
所謂既淵緣 , 就係第一次 (2010年) 自駕遊時第一個景點 ,
同時亦係第一單
蝦碌事件發生既地方 , 依家諗起都忍唔住笑左出黎 .
重遊舊地懷緬完之後 , 下一站就係 苫小牧 既
北寄貝食堂 ,
食完之後再出發 , 打後果D就沿住海邊進發 , 一直去到道の駅先至停落黎 .
呢個 道の駅 , 叫做 サラブレッドロード新冠 , 同馬 & 音樂有關 .
參觀完呢度 , 下一站又係 道の駅 , 叫做 みついし , 呢度亦係 三石海浜公園 ,
出面有個沙灘 , D浪好勁架 , 有時間一定要睇睇 . ^^
之後果個景點 , 真係要睇時間做人 , 因為酒店就在附近 ,
如果有時間 , 可以直接去 襟裳岬 , 睇完再行回頭路往酒店 ,
時間唔夠既話 , 可以等翌日先至去 , 反正都係同一條路 ,
順便講埋 , 當日酒店亦都已經揀好 , 仲落實Book埋添 .
第一日既行程就係咁上下 , 有時間再繼續講埋打後果D .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
