可可店 (平民價煎腸粉)

人均消費：HKD$30

煎腸粉或炒腸粉(下稱煎腸粉)係香港其實已經唔係咁容易搵到，事關工序多過一般腸粉，仲要存放期短，所以唔多地方有得食。煎腸粉之所以好食在於燒蕉部份腸粉，令到更加香口，手勢好既師傅當然係唔會炒燶，種種原因下，真係唔多地方有，有D茶樓都會做煎腸粉。

近年酒樓已經興起用點心紙，少左推車仔，煎腸粉呢樣野已經愈來愈少有，取而代之既係玻璃腸粉，來貨既腸粉都已經少左好多，不過都無計。但始終食法唔同，兩者無得直接比較，所以仲可以生存。

可可店最出名既就係煎腸粉加蛋，同埋佢既糖水，尢其夜晚，佢真係堅多客。仲有佢又平，一個飯款都係$30幾蚊，仲可以加$2有支裝可樂，下圖仲有Menu。

今次推介 ─ 煎腸粉 ($14)

煎腸粉好食在於燒蕉部份腸粉，有蕉味，佢有少少燶味，都幾野味。佢會問係加唔加蛋，我自己就覺得唔洗加，因為都已經夠味。另外，你仲可以加上甜醬麻醬，呢D都係腸粉必備既醬汁，一個字講晒，正。份量方面，佢有成五至六條腸粉，一份早餐，你都可能係食四條腸粉，今餐有五至六條腸粉，如果當係正餐，都可以加其他野，好似蘿蔔糕咁，但下圖既雞脾就唔好喇。

豉油雞脾 ($16)

呢間既豉油王雞髀，佢既肉質比較上腍，完全無質感可言，因為佢都浸左好耐，而雞脾都唔係好大隻仔，只係一般Size，佢都係收$16，相對煎腸粉黎比，煎腸粉好食好多，加埋質地計，呢隻雞脾相對地唔抵食。


Menu


Overall 計，我都會再食佢既煎腸粉

光顧日期：3 October, 2015

地址 : 西環卑路乍街136-142號聯威新樓地下E及F舖
Openrice : http://www.openrice.com/restaurant/sr2.htm?shopid=14284

我個Facebook 會經常Update，可以Like 埋。 Facebook Link。

============================================

感謝 易風 提供以上資料

易風的網誌: http://yikfung.blogspot.hk/

============================================