呢排 AIRLINE 又做優惠 ,
敗家媽媽o既心都跟住想飛了...
暫時將小齊考小一o既事情拋諸腦後,
又睇下有咩地方好去先~~
話係睇下咩地方, 查實我只係o係日本地圖上睇...嘩卡卡~
12月已 book左會去九州, 今次主要想去鹿兒島,
2年前都去過一次九州, 但只係北九州,
今次趁聖誕假期 (應該唔會有學校要面試喇啩) 去南九州
行程未決定, 暫時只係book左酒店,
呢兩個月時間會慢慢睇下有咩地方想去
12 月之後o既長假期會係農曆年, 呢個檔期保留住先,
一般機票都比較貴, 而且我地都要拜年, 可能就會留港度歲
再下個檔期就係復活節,
爸爸話可以同我地去玩,
所以我又o係日本地圖上睇下望下...
3月尾 4月頭小齊學校都放成 2星期,
如果時間夾到"櫻前線"... 我咪可以睇櫻花囉 ~ ~
嘩~ 諗起都開心,
我去過日本咁多次都冇乜真係撞正花期,
有o的期待o添~
最後睇過機票之中比較平o既選擇都係 EASTER 前後
反正小齊放咁長我地唔駛迫埋PH果幾日出發,
候選佳麗最後 3強係:
1. 飛福岡 -- 我想去睇紫藤花隧道;
2. 飛中部國際 -- 想去白川鄉, 立山黑部;
3. 飛廣島 -- 未去過, 可以去埋四國
最後我地揀左廣島, 買左機票先 ~ 會去8日!
酒店同租車之後再睇, 由於想去埋四國仲要睇埋交通安排
我睇左往年o既
櫻前線都係 4月上旬咁上下, 希望今次都係差唔多,
咁我就可以睇到靚靚o既櫻花!
見得閒, 初步睇下酒店,
見到有間又係星野集團o既
UTOCO (在高知縣) ,
見到四國都有間叫 UTOCO 就望望啦~
嘩~ 人間仙境呀 ~ ~
正想訂酒店之際發現原來小孩係不受歡迎動物!!
嗚嗚... 趕絕有小朋友o既家庭~
雖然我都明白d 小朋友曳起上o黎可以好煞風景o既,
不過因為小齊搞到大家都冇得去有d "殘念"~
唯有再睇下有咩其他選擇啦...
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
