7 不幸中之大幸的星期天

上個星期天車婆婆,公公遺棄我們兩條利當然不甘寂寞要出去覓食啦!!記起食友去尖沙咀食嗰件超人氣半板海膽手卷也理不得車爸爸不吃紫菜也硬拉著他陪我去吃(殘忍了嗎?)個天應該覺得我太殘忍去到勁回味竟然休息四天(欲哭無淚中)

帶著壞透的心情不知吃甚麼的時候碰上輕鬆麻辣真的要辣一辣佢方能調好心情^0^

行到一身汗整杯鹹檸雪碧套餐+$9即刻爽晒車爸爸例牌熱奶茶試了一口麻麻哋不夠滑溜~

下午茶餐魚肉湯+腸粉3條連熱飲$30魚肉湯超大碗質感實淨可惜味道不夠但可幸不腥可以接受喔!!

腸粉就真係no good喇須則醬汁不俗但有很多有硬塊好失敗~

小鍋過橋麻辣薯粉套餐$48足足15樣餸好抵食呢~

薯粉比較白身和爽滑有點似瀨粉很特別要就車爸爸揀咗微辣,麻辣味頗香咁多餸當中最正係豬膶粉嫩好吃另外娃娃菜勁鮮甜我和車爸爸都爭著吃呢~

食完晏諗住去加拿芬道Honey Creme食團購雪糕點知摺埋這天真黑仔啊~好彩的只是摺咗呢間咋可去銅鑼灣或元朗兌換或者退款都可以~

行去The One見到楊千fa同林海峰做緊宣傳楊千fa真人激瘦~

行咗一陣街便上Mum's not home食上次吃不倒的cheese cake我早一天同佢哋訂定架喇walk in未必食到架睇你彩數啦~

藍人祕蛋用蝶豆花做成芝士蛋糕本身藍色的地方經檸檬的洗禮會化身紫霞仙子的模樣十分詩意,蛋糕質地濕潤香滑芝士味香濃很是美味~

黃煎炸蛋味道很令人驚喜真的不是人人能接受,黃薑的霸氣令蛋糕沾上一絲印度氣息車爸爸頗喜歡呢~

菠蘿咪其實係菠蘿薏米水清爽不甜~

黃煎炸奶用黃薑加奶打成,泡沫豐盈帶香料味的Latte質感頗滑溜味道獨樹一幟~

喺家hea咗兩粒鐘襯天未黑齊趕往另一景點影靚相^0^

行經某酒店門口見到呢套超美檯凳好喜歡喔!!

到達另一景點~油麻地眾坊街的美美樓梯黃昏時更添美感^0^

紫色的天空神祕又浪漫繼續伴我倆拍拖去吧!!