成日聽到阿媽講,襯有餘錢就買定D 金粒保下值
雖然女生總是愛大大粒既鑽石,但係當過左想收鑽石既時間
就會覺得金其實都係一個好值得擁有既東西
不過今次小妹絕對唔係想大家share 我買賣金粒既問題
因為我要講既係利用24K 去做成既護膚品,
雖然利用24K 金去做成護膚品唔係第一家
但係今次我就想介紹係DR.LEE 最新推出既
幹細胞黃金系列
今次呢個系列入面最主要既成份就當然有24K 黃金啦,
咁呢D 黃金究竟又有咩作用先?
其實唔講唔知黃金本身就有加強營養物質的導入功能，
主要因為黃金的傳導力強，性質穩定，
不易引起人體的皮膚排斥，有效徹底清潔肌膚堆積的污垢，
活化肌膚的新陳代謝，仲可以激活細胞活力及肌膚彈性，
延緩皺紋產生，美白皮膚，同時令皮膚健康亮澤。
除左24K黃金之外仲有呢一個蓮花幹細胞，
對於蓮花大家既諗到既一係蓮子,荷花葉等等啦,
唔講又唔知原來蓮花係被譽為「花中仙子」，
經科學證實具有強效的抗氧化及保濕功效,
仲有助延緩肌膚衰老、撫平皺紋及幼紋。
就等小妹同大家Share 一下點樣利用呢一套既黃金組合啦
首先就係先用上呢一枝【幹細胞黃金還幼水】 $229/30ml
每一枝既還幼水都蘊含有：24K 黃金、Chromocare、
蓮花幹細胞、酵母、肌肱
呢枝既還幼水就可以能喚醒肌膚細胞、
增加肌膚彈性、改善黯啞粗糙肌膚，
更能改善鬆弛及毛孔問題，令肌膚回復青春、緊緻、光滑，
絕對岩哂我呢D 之前捱到個樣殘哂既人仕使用啦
使用方式都好簡單既者,只要倒番適當既份量係手心
然後再輕輕拍打面部既肌膚同埋頸部,
由於本身呢個還幼水都幾潤下,
所以未吸收哂就盡量可以按摩肌膚直至吸收為止
然後就可以搽上眼部精華同埋眼霜啦
首先我地就會可以搽上呢一枝既
幹細胞黃金眼部精華原液 $228/15ml
係品牌既介紹入面呢就會建議大家先使用呢一枝精華先
再使用它家既幹細胞黃金還幼眼霜
同樣每枝既精華液入面都會有24K 黃金、蓮花幹細胞,
仲有埋深海魚子、人蔘萃取及四胜肽
主要就可以有效撫平眼紋、祛黑眼圈、舒緩浮腫
呢個精華入面都有一點gel 庄,仲含有一點點的金片在精華入面
然後就可以利用手指再打圈圈地按摩
不過小妹就覺得係朝早或者有D 人覺得對D 眼部產品唔會搽太多,
因為怕太淋會生油脂粒或者起擦膠碎既朋友
就可以揀朝早利用番搽番呢枝筆庄既
幹細胞黃金還幼眼霜 $ 229/15ml
夜晚先再搽番精華加呢枝眼霜都冇問題
呢枝既幼眼霜既包含有24K黃金，Matrixyl3000，蓮花幹細胞，腺苷
功效：矜貴24K 黃金擁有超卓的導入力量，結合高
含量Matrixyl3000、蓮花幹細胞、腺苷等強效明眸成
分，能撫平眼紋、袪黑眼圈、擊退浮腫，令眼周回復
緊緻年輕，展現閃亮明眸。臨床證實能擊退44.9%
眼紋2，眼周膠原蛋白激增35%2。
使用方法：每天早晚潔面及爽膚後，以冰感走珠按
摩棒塗抹眼霜及按摩眼周至完全吸收。
使用之前可以在筆底的位置先按一至兩下既份量去取得眼霜
就可以直接在眼部肌膚附近進行按摩啦
然後小妹就將碌碌由眼底部份開始碌至眼尾,
再用力少少按一下，再慢慢地由尾碌上眼頭的位置
不過小妹就覺得呢個碌碌既唔夠冰涼啦
但係碌碌下又幾鬼舒服既,最岩朝早有時間既碌下隻眼
又可以有醒神既一日番工啦係唔係?
在日常既護膚程序方面又點少得有面霜呢1parts 呀
呢set 既面霜亦係小妹幾期待既一部份
點解呢? 因為今次要介紹既呢個
幹細胞黃金還幼面霜 $339/50ml
點解我咁期待呢係唔係爆好用先?主要都有少少貪心既原因
因為今次呢個面霜仲會包有一塊”還幼瘦面石”
比你可以搽完面霜之後仲可以廋面tim
同樣面霜都含有以下既成份啦,包括有24K黃金，SYN--‐COLL，
蓮花幹細胞，腺苷，大馬士革玫瑰
加上本身呢身既24K 黃金既力量之外，仲含有左大馬士革玫瑰
花水等強效抗皺成分，仲可以撫平肌膚皺紋、
增加肌膚彈性及改善黯啞膚色，
如果仲配合埋它家本身既還幼瘦面石按摩面部，能提
升面部輪廓，重塑完美V 面。
而我如果放假或者夜晚有時間就會拎舊石去碌下自己個面
有時通淋既按面真係好舒服架,如果有時就唔到時間去就當然
可以自己碌一碌啦,同埋仲可以廋面啵
邊個唔想先係唔係? 不過自己覺得呀,
真係唔洗搽太多既面霜,少少就得架啦,因為第一次用不斷係咁汞
係度按摩面之後就發覺有好多D 擦膠碎啦
所以一至兩下份量就真係好夠架啦
最後要介紹既就係它家既Sleeping Mask
幹細胞黃金睡眠面膜 $229/80ml
主要成分:24K 黃金,Collageneer,蓮花幹細胞,積雪草,透明質酸
功效:矜貴 24K 黃金擁有超卓的導入力量,結合高含量Collageneer、
蓮花幹細胞、積雪草、透明質酸等強效修護成分,
於睡眠間為肌膚注入源源水份並促進細胞再生,
更能撫平肌膚皺紋、喚醒肌膚細胞、增加肌膚彈性,
令肌膚回復水潤光澤、緊緻細嫩。
面膜質地不算是跟平常的Sleeping Mask 一樣是淋淋的
反而感覺有一點像面霜感覺,最重要連個Mask 都有24k 黃金係入面
真係訓住都可以敷有金既面膜護住,朝早洗面同時清潔
一舉兩得啦~係唔係先?
今次我介紹左一整個系列，篇幅真係比較長一點,
曾經都有想過究竟我好唔好分日與夜篇既
但係今次呢一篇既幹細胞黃金系列又估唔到幾好用
最重要就係而家都岩我而家既肌膚使用
不過近來也許情緒唔隱定,變得又紅又水腫
但係呢個搽得唔多既話其實唔會太淋
最喜歡都係佢兩款眼霜,精華就非常爽
眼霜就碌完就好舒服,由其我個d 淋巴有塞既人仕
所以今次呢套系列既價錢尚算中尚,最重要就係唔係專櫃入面
唔洗擔心有d BA 係咁日Sell 夜Sell 啦係唔係?
今次介紹既DR.LEE 所有產品都可以個別既屈臣氏有售
想了解更多既DR.LEE 產品可以到它家既專頁查詢
(即使想查詢屋企附近邊間既屈臣氏有得賣都可以查詢架)
其實DR.LEE 旗下既產品仲有Back to Sixteen
小妹亦曾經試過兩款它既產品
有興趣既朋友亦可以回顧一下
木瓜酵素卸妝潔顏泡泡
BB Cushon
希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
