出街成日見到有啲sis搽眼睫毛會搽到一舊舊
又或者變哂甲曱腳~ 都咪話唔得人驚
今日就同大家分享下，搽眼睫毛時有咩小秘訣啦!
1. 乾左先上第二層
其實有時我地搽眼睫毛變到一舊舊
如果起勢咁搽既話，好容易令不必要既mascara沾喺眼眼睫毛上~ 所以咪一舊舊囉!
sis們可以先上第一層，等眼睫毛液乾左之後再上第二層!
咁就可以慢慢build up得黎，眼睫毛又唔會咁易變甲曱腳啦!
2. 上眼睫毛液前用紙巾抹一抹
有時我地眼睫毛搽得唔自然
好多時候係因為眼睫毛掃上面本身有太多睫毛液
所以一搽上眼，本身夾彎左既眼睫毛就好易dup落黎，又或者變一舊舊
sis們唔好怕浪費，特別係新買既mascara，通常掃頭上面都有好多眼睫毛液架!
記住要用紙巾抹一抹喇~
3.塗mascara時要轉動睫毛掃
通常我地搽mascara時
都會將眼睫毛液以水平方向，由睫毛根部搽到去尾
喺呢個過程，我地可以同時轉動眼睫毛夾
咁可以令眼睫毛液更平均地分佈喺眼睫毛上
令我地既眼睫毛更根根分明架!
希望小編既分享對大家有用啦~
資訊由歐亞美創國際容貌創造協會提供。
