Metroplaza。Ant One

10月16日(Happy Friday)~依日心情異常高漲+振奮

同老闆講唔想煮飯..不如出去食pizza~佢話..是但啦!

咁我再話..食完不如睇場9:30pm~真係好耐無睇9:30啦

佢話..睇9:30pm? 好眼瞓過喎(咁又係! 因為我地習慣早瞓..哈哈)

之前睇到"新都會廣場"有2間西式餐廳..食評都唔錯

講真既..其實我對"新都會廣場"d食店~水準真係好一般

之前間中去試新店~大多都唔掂! 連集團式都係(真係唔知點解?)

原本揀左兩間想去既餐廳..老闆睇睇現場話No!

咁隨意行..行下行下是但撞左入去"Ant One"食晚餐

* * * * * * * * * *

食店以簡約黑白色調為主~卡檯及部份座位設計寬敞舒適

樓底好高~加上最高牆身係透明玻璃..觀感上好似更空曠

不過著裙係上面經過~就比較要小心走光呢!

我地點2個Set Dinner~老闆要餐湯.."羅宋湯(跟上意大利包)"

蔬菜都幾豐富..但味道唔夠濃郁~餐包軟綿綿..好實在感

伴上"酸醋油醬汁"內仲有d酸青瓜粒~好開胃


我要"凱撒沙律"~蔬菜新鮮爽脆..芝士粉又夠多

麵包粒脆口~醬汁份量剛好..整體清新好味



老闆感冒..清清地點個"法式鮮茄汁雜菌雞絲燴扁意粉"($102)



意粉軟硬度適中~醬汁剛好包裹每條意粉

食得到鮮茄味~雜菌味道清淡



原本出黎想食pizza~但見到鹹豬手又想食香口野

最終點個"鐵板黑椒德國鹹豬手"($158)(要求碎上)

上檯前侍應會先淋上黑椒汁(好似pepper lunch會用紙圍邊)

送到上檯油煙就唔會四圍彈~鐵板上亦keep到熱度



原隻份量都幾多~同老闆share食..佢食肉唔食脆皮

鹹豬手炸得香脆..但唔係鬆脆果種~鹹香度剛好



黑椒汁配脆豬手..香脆惹味~黑椒汁食到香辣胡椒味

但多d醬汁更好~而芥末..個人比較喜歡另上(芥末又係可以多d)

底層有甘筍,翠玉瓜,白蘿蔔~鐵板耐熱..蔬菜過熟失去爽脆感



伴飯/意粉~我揀意粉..預2/3比老闆食

意粉份量都幾多..帶爽彈~但唔夠汁伴吃有點乾哽



餐飲..熱檸水(x2)

整體環境簡潔..卡檯座位舒適~上菜速度好快

而食物 & 服務都好ok(總消費:$286)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================