小齊升左 K3 成 2個月啦,
睇住佢日日返學個樣, 諗下佢原來下年就要讀小學,
真係覺得時間過得好快
今年一開始小齊坐最後果兩張枱,
佢咁矮唔知睇唔睇到黑板?!
剛剛度高比 K2 時高左 DDD, 106 CM, 但重量就冇加到,
即係瘦左??
講功課 LOADING, K3 同 K2 o既分別唔係好大,
都係日日3樣功課, 工作紙, 勞作果 D 也是差唔多
做功課方面小齊都知我規矩,
如果我放工返屋企前佢做好晒, 就算做得核突
我都會睇在"佢唔駛勞動到我"呢份"孝心"上高抬貴手由得佢 ~
但如果佢等到我返o黎都未做晒呢,
哼哼~ 我就會要求佢粒粒字都要寫得靚 (意思係我接受到),
樣衰果d我會毫不留情擦擦擦!
呢篇就係第一篇o係我監控下寫o既, 睇返原來係10月,
都算佢乖啦 ~ 成個 9月我都冇乜點睇佢寫功課
我覺得 K3 老師對寫字o既要求都嚴格左,
我覺得係好事, 上到小學老師仲嚴格
而家等老師指導下佢印象深刻第時可能會輕鬆 D
親子勞作近兩次都比較簡單, 只係填下色,
我當然樂於見佢自己o黎
學校派o既書同圖書我送佢返學時會叫佢睇下,
圖書我今年叫爸爸幫手講佢聽,
睇到今年學校派o既 reader 英文程度明顯深左,
我地要努力 D 睇, 唔係好易落後啦~
額外o既練字冇乜時間做, 到此好似交過一, 兩版咋...
而家連本簿都唔知放左去邊 :P
好彩不是 compulsory, 希望之後小齊有時間再練習返
學校原來貼返 K2 時做專題o既照片,
難得搵到小齊個樣!
今年送返學可以同佢去睇下~
考小學o既 project 仍然在進行中,
我地報左over 10間, 有D 已經行人止步,
有D 尚在等待結果 (不過我好少同小齊講賽果, 反正佢唔會太緊張)
過程中我得著唔少, 同時亦好感恩小齊好乖肯比心機參與呢個 project,
雖然有時我會比佢D反應激親, 但事後諗返其實可能係自己要求高左
結果如何我自己面對, 對於呢d 過五關斬六將過程我諗大人處理就好啦,
對小朋友o黎講可能有d 複雜~
而家 project 進行左一半, 仲未有咩定案,
且睇命運安排, 等我地兩老調整好期望, 心態先會同小齊講,
希望佢有個愉快心情迎接小一!
早兩日我地又去左OP, Halloween 主題好正!!
祝大家都有個 Happy Halloween!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================