一蝦兩食 & 泰汁三文魚刺身

10月23日(Happy Friday)~依排唔知攪咩..個人好攰

但大腦就勁振奮~夜晚瞓得好一般..通常3個鐘左右就醒

之後要呆好耐好耐先瞓得返著~最慘係..瞓醒好似無瞓過

起身個人好似係大海漂浮(勁喪屍)~依日好攰但都要去買餸

搵搵雪櫃有咩儲備~想要用最少時間..買完即刻返屋企休息

是日晚餐.."泰汁三文魚刺身"



之前外吃晚餐..留意好多地方都有依個組合

所以自己整~三文魚本身魚油豐富..多食其實幾漏

配上泰汁..有酸有辣係幾開胃~但味道就嗆過晒魚味

唔知配"煙三文魚"又係咩效果呢? 有機會都想試下



再黎..一蝦兩食~"炸蝦天婦羅"

因為太厚身~所以開邊炸食



炸漿鐘意調薄身點~啖啖肉..炸野都係比較香口



蝦頭通常留用..用黎兩食~之前多數煮湯

知老闆都like食粥~就整個"蝦頭粥"



爆香蝦頭&蝦殼..再加白米爆炒~最後加水煮成粥

粥底好香蝦膏味~用蝦頭煮湯/煮粥都唔錯

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================