【迪士尼十年】~搵齊40隻剪影無獎遊戲 @聖誕大街海港城

迪士尼是海港城的好朋友, (我估咋), 所以我一早向SY預言:「你信唔信今年海港城一定係迪士尼做主題吖?」SY:「你點知? (我:因為香港樂園10周年紀念呀)」

2011年樂園內的ToyStoryLand開幕, 海港城的X'mas就變成反斗奇兵...(我可以說是近年最靚)

2013年7大迪士尼波波球走入海港城, 相比今年2015...今次「Happy Ever After」聖誕大街, 好似過於靜態了一點點!!

不計算一系列剪影角色, 打頭陣是紙版Let's it go...SY:「爸爸...點解唔係公仔嚟嘅?? (係囉)」如果大會於聖誕前, 將Elsa,  Anna, 及小白換回三隻立體Figures, 我絶對不介意多來一次.

雪姑七友七個小矮人, 我第一次影完...也奇怪, 為何只有「雪姑3友」, 原來有4個走了上二樓玩遊戲.

之後SY一見到TsumTsum便大叫:「媽媽...你最鍾意呀!!」, 不過, 已經移情別戀的阿太:「快快影張合照就算啦...你哋阻住我影杯緣子呀...」

明白, 近月已經變成佢有佢影杯緣子, 我有我影我個囝喇...雖然, 大家都是影阿拉丁神燈做背景

SY:「點解高菲同米奇著D衫唔同嘅??」其實我也不明白, 是不是扮東坡家事歐陽震華呀?

突然不停走來走去的SY又叫我:「爸爸...米奇係天花板呀!!」哈哈...幾過癮...其實反射到我同SY添...

其實, 今次米奇入侵海港城, 也有一個好處...單單我叫SY:「你周圍搵搵..究竟有幾多個米奇頭收埋係條街度...」小朋友就好專心, 不停搵...阿太又好專心影杯緣子...我就非常舒適慢慢行

我最初以為大堂會似2011, 2013年有大大棵迪士尼公仔聖誕樹, 不過詢問處姐姐答:「唔好意思, 今年只有出面燈飾」(勁失望囉)