係香港，有好多地方，自己日日經過唔覺眼，無望多兩眼亦都會停低睇下，但原來外地人覺得係一件好靚景物。
是咁的，前排，有外地朋友第一次黎港，諗住搵我玩，其實我一開始都係諗住ＨＥＡ佢地而且第一日只要半日時間玩，所以先選尖沙咀。佢地黎之前，當然要做一點準備工作，由於係
想住好一點，所以選左係交通方便嘅尖沙咀區內酒店,而且部分酒店房間可以睇到維港夜景,
朋友黎到後，已經係下午，即刻搭左個站落尖東，首先去行下手山型購物商場，當然係海港城，旁邊星光行都可以順便睇埋，反正各大品牌的分店都差唔多係度搵度，都係個句，你覺得好正常，佢地覺得好正。
掃完貨緊係好支力但又未夠鐘再食野，就帶左佢地去參觀香港其中一個博物館,就係太空館,入去睇套３Ｄ戲就可以解決呢個問題。
套戲大約３０分鐘，時間岩岩好。
隻腳休息下，其實體力又好番好多，之後當然要出去影下有殖民色彩嘅歷史建築，第一站就係去係碼頭旁邊座鐘樓，唔知而家後生仔知唔知鐘樓係以前火車站黎呢？
（我影過好多次，好似呢張係車度影出黎仲好Ｄ）
行前少少就可以望到維港夜景。
其實碼頭旁邊Ｄ鋪頭都可以行下，有間賣巴士模型８０Ｍ，因為好少國家會通街都係雙層巴士。而且像真度都幾高。
旁邊就係地標-尖沙咀五支旗，想同五支旗合照其實都有難度。
再行過少少，就係１８８１法定古蹟。
可能你成日去影相，但１８８１前身係咩東東又知唔知呢？其實佢以前係香港水警總部，而家就保留左部分古蹟變另類商場。
呢部電梯究竟個制係邊？我都諗左５秒先搵到。
前香港水警總部時間球塔。
旁邊半島酒店，其實搵到錢都應該去住一晚體驗下咩叫享受人生。可惜我未有。
行多陣就肚餓，就帶左佢地去食澳門概念茶餐廳，（即係澳門茶餐廳），因為香港其中一個特別之處就係可以食盡各國美食。
食完就返酒店，希望可以比到讀者有少少ＩＤＥＡＳ如果有人黎香港應該點帶佢玩。
如有任何疑問可電郵:chiukit2001@gmail.com或ＰＭ我
到時文化野未就係菜街大媽.
