[十二週] 第五次產檢 • 唐氏綜合症篩查 • 脆性X綜合症篩查
| 30 SEP 2015 | 12WEEK | 威爾斯中大私家門診
終於踏入第十二週 , 今日去
威爾斯中大私家門診做唐氏綜合症篩查 即係OSCAR,
未講做檢查前講下點解去左
威爾斯中大私家門診,
其實我一有左已經有位好朋友介紹我做OSCAR & 照結構一定要搵林勇行
我相信都唔使點介紹林勇行醫生,
我只知道佢照OSCAR & 結構都好權威,
當然我前期有左個陣個人好唔舒服,
我連政府醫院都未去登記, 最後拖拖下廣華俾左個中孕期唐氏綜合症篩查(得70%準)
(遲下再講廣華既經驗)
返到屋企醒覺要快D打去林勇行醫生度約OSCAR (好可惜太遲已經滿哂)
幸好約到照結構
咁都無辦法, 一心打算返去搵吳祟傑做NIFTY算, 反正都係要俾錢
有日同嫂子講我決定做NIFTY, 嫂子建議我要先做OSCAR,
有照此終都會比較準確, 如果萬一有咩事再先去做NIFTY
嫂子個陣就係威爾斯中大私家門診 度照OSCAR
事不而遲我都拿拿聲打去約, 好快約到第十二週當日可以照
威爾斯中大私家門診 都係主要做OSCAR同結構,
雖然係威院但係私家診姑娘態度都好好多
當日9:30AM去到醫院, 登記姑娘叫你填表然後等叫名入房
會有另一位姑娘介紹你知今日要照OSCAR係咩一回事
然後會抽血, 因為我會做埋 脆性X綜合症篩查 (驗下BB有無自閉症風險)
做OSCAR既話加$450就可以驗埋 脆性X綜合症篩查 ,
順手都驗埋~
姑娘話一陣等到12點左右會出OSCAR報告, 問我地等唔等
唔等就電話通知你結果,
我地決定唔等, 抽完血了解哂過程就出返門口等醫生叫名入房
我無留意醫生名, 係女醫生黎既, 好細心
今次照已經隔左四星期無見BB喇 !
醫生一照個陣, 我同老公都好傻咁覺得, 嘩 ! 大左咁多既
真係有個BB型出左黎~ 好神奇呀 !
個下再聽心跳, 我真係有D感動,
望住個MON見到呢個係我既BB~
我終於明白我要見到BB型先識感動~ 哈哈哈
醫生好細心照BB鼻骨, 係有既放心~
再度下頸皮, BB唔太合作, 成日dup 低個頭仔,
之後醫生竟然同BB講野, 叫佢乖乖地抬高個頭仔
(個下有D搞笑, 乜真係會對住佢講野 , 我暫時未試過)
最後度到喇~ 唔記得幾多, 反正都係低水平, 正常既~
醫生再幫我照下BB d手腳指, 正面, 頭等
仲有問我地想唔想知性別,
我話好呀~ 其實唔緊張, 不過八掛下~ 哈哈
醫生話都有七成準 ! (唔開估住...等大家估下 哈哈)
最後影埋DVD, 就完成喇 !
程過好順利, 好開心~ BB要努力成長喔 !
脆性X綜合症篩查 (詳情參考呢個網址)
什麼是脆性X綜合症？
脆性X綜合症(FXS)或(X染色體易裂症)為常見的遺傳性智力障礙。FXS由X染色體上FMR1基因不穩定三聯核苷酸重複引起。重複數>200引起FXS，表現為智力發育遲緩和自閉症，攜帶者可能有不同程度健康問題
感謝 仙蒂小溫太 提供以上資料
個人日誌: http://cindylittlemrswan.blogspot.hk/
