細個著得最多嘅一家係番學嘅皮鞋
魔術貼，綁帶，啪鈕⋯⋯
雖然皮鞋款式多，但係對於幼稚園同小學生嚟講
魔術貼當然係最好嘅選擇啦
面對一條長長嘅鞋帶，手指又未夠靈活
當年有唔少同學因為咁而要向老師求助呢！
上到中學，學校校規嚴，係我嘅世界以為只有一種鞋款
同學都只可以穿綁帶鞋，大家一式一樣，
開頭幾年，開學都會買一對新鞋，但兩三年後就會發現，原來鞋櫃入面已經堆積咗三買對一樣款嘅皮鞋⋯⋯
直到預科時候，轉咗另一間學校先知道原來（鞋）世界真係好大
而且我從來無諗過自己可以有機會著當時流行嘅啪鈕鞋番學
著住佢番學，當時真係覺得好開心㗎！
升上大學之後，我就再無著過皮鞋啦
皮鞋，好似代表一個人嘅成長階段
雖然佢係有啲老土，又唔可以用嚟襯衫
但係佢係唯一一對陪我行走過青春歲月嘅好拍擋
你又記唔記得自己著過啲咩鞋款呢？
＊雖然有啲番寫字樓嘅朋友仲會著皮鞋番工
但我估你應該唔係揀嗰啲圓頭綁帶鞋款啩（笑）
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
