細個無咩去動物園嘅經驗
只係記得當年跟爸爸媽媽一齊去過荔園，
入而有個好多鐵通嘅地方，每堆鐵通都圍住一種動物
大家都圍係外面指手劃腳⋯⋯
呢個就係我印像中嘅動物園
由於動物們都習慣咗俾人圍觀嘅生活
佢哋都會對呢班圍觀者不屑一顧
但係我呢啲無咩機會見到真動物嘅小朋友，
緊係想睇下啲動物郁下啦
細個以為動物係會識聽人話嘅
只要我講反話，激嬲佢哋，佢哋就會郁⋯⋯
我試見到孔雀同佢講你好醜樣（希望佢會開屏）⋯⋯
我試過對住獅子同佢講死獅 （我估當時佢係瞓著咗）⋯⋯
當然，佢哋緊係無郁過啦
唯一會郁嘅，就係嗰隻住係最入最入嘅大象天奴
大家都會去買香蕉俾佢食
天奴，雖然我同你只有一面之緣
你係天國嘅生活好嗎？
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
