有一年，電視成日播四驅車嘅卡通片
《四驅小子》《四驅兄弟》，每個男同學都會有一部係手女女
佢哋好喜歡放學一齊走落文具鋪，左揀右揀，揀一部同主角一樣嘅四驅車番屋企砌，
砌好之後再到公園嚟個四驅車王爭霸戰
那個時候，擁有四驅車軌嘅同學就好似神一樣
大家都爭住同佢做朋友，無辦法啦，買完盒車跟本無錢買條賽道
呢個擁有四驅車軌嘅同學一定覺得自己威過明星
四驅車，我真係無咩興趣去砌（我寧願砌多兩盒砌圖XD)
但係卡通我都有睇嘅，
其實都唔係好明，點解一大班人要跟住架車跑
佢兜完一個圈都會番嚟㗎啦
仲有仲有，做咩要拎住支棍去推架車？
究竟係打緊哥爾夫球定玩緊曲棍球呢？
對我嚟講，到而家，呢個仍然係一個⋯⋯迷⋯⋯
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
