最近身邊好多朋友都話要移民
佢哋都覺得而家嘅香港太亂，又無地方住，又好似越嚟越無自由咁
呢個話要移民去美國，嗰個又話要嫁去台灣
突然間好想唱呢首歌
"香港是我心 一顆不變心 實在極不願 移民外國做二等公民"
記得讀緊小二時候，佢離1997仲有幾年時間
身邊啲同學仔，朋友仔，親戚個個都離開香港
呢個去美國，呢個去加拿大，呢個去澳洲
五湖四海，真係咩地方都有，
爸爸話，如果唔係佢唔識英文，可能一早都移咗民
身邊最好嘅朋友離開，無人再同我傾電話，玩公仔
姑姐叔叔移晒民，過時過節，我哋唯有自己同自己慶祝
（好彩我屋企多人，無人嚟過節，本身都好熱鬧）
再一次嘅移民潮，又唔知會帶走我幾多朋友呢？
不過，有朋友係唔同地方住都幾好呀，
最少，去旅行嘅時做都搵到免費落腳嘅地方呀～
（你唔係諗住唔招呼我呀XD）
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
